Lucianne Rijpkema lagar ost frå eigenprodusert geitemjølk. Foto: Camilla Korsnes
Lucianne Rijpkema lagar ost frå eigenprodusert geitemjølk. Foto: Camilla Korsnes

NM-sølv til Tveitakjerringa

– Eg er litt stolt, men eg har framleis forbetringspotensiale, seier Lucianne Rijpkema.
Publisert 04.10.2017 kl. 12.33. Oppdatert kl. 16.14.

Ho fekk sølvplassering for den ferske osten Mjuk kjerring, og bronsemedalje for jogurten Sur kjerring.

– Eg sende inn smaksprøve mest for min eigen del. Men det var greit å få medalje for å sjå korleis eg ligg an, seier Rijpkema, som driv det vesle ysteriet på Tveit, og lagar ost frå eigenprodusert geitemjølk.

Det er Norsk Gardsost som står for utdelinga.

Utanom om jogurt og fersk ost, lagar ho fetaost og held på å utvikla kvitost, sjølv om ho forklarar at det ikkje blir i år.

Ifølgje Norsk Gardsost sine nettsider er føremålet med NM å gje auka merksemd, og meirsal av lokalforedla mjølkeprodukt.


Siste saker Gå til framsida

Den einaste bollebasaren i verda

To gonger i året blir det skipa til bollebasar på Jensvoll. Styreleiaren for Jensvoll bedehus trur dei har den einaste bollebasaren i heile verda.

Saknar du sofaputa di?

Denne grøne puta blei tysdag føremiddag observert einsam og forlaten i vegbanen på Onarheimsfjellet. Designet er ikkje siste skrik, så den førebelse teorien er at puta kan ha vore ein del av eit tilhengjarlass, på veg mot den sikre død i Eredalen. Men om nokon likevel skulle sakna puta, kan den hentast hos «Tysnes» i Teiglandsvegen 5. Enn så lenge har den fått ein ny sjanse.

Startar prosessen med grunnkjøp til ny barnehage

Kommunestyret har tidlegare vedtatt å byggja ny barnehage på Onarheim. Totalt sett er kostnadsramma på 36,6 millionar kroner, og allereie neste år har kommunen sett av over 13 millionar kroner til prosjektet i investeringsbudsjettet.I år er det også sett av litt midlar for å koma i gang med prosjektet, og i førre kommunestyremøtet diskuterte politikarane grunnkjøp. Politikarane gjekk...