I FARTA: Petra Sløgedal (i midten) gir full gass på trening. Emma Marie Elgsås (t.v.) og Mia Nes prøver å stansa den kjappe vingen.
I FARTA: Petra Sløgedal (i midten) gir full gass på trening. Emma Marie Elgsås (t.v.) og Mia Nes prøver å stansa den kjappe vingen.

Handballframtida

Det spirer og gror i handballmiljøet. Petra Sløgedal er ei av jentene som stortivst på handballbanen.
Publisert 07.10.2017 kl. 18.00.

– Bra!

– Spring slik. Som ei banan.

– Viss de kjenner at hjartet pumpar er det berre bra, ropar Terje Sløgedal.

Instruksane kjem på laupande band. Han er pappa og handballtrenar for Jenter 15.

Dottera Petra er ein av spelarane på laget.

– Det er ein veldig gøy sport, når ein først forstår reglane, fortel ho.


Inspirert

Petra har fått mykje inspirasjon frå søstera Thea sine prestasjonar på handballbanen. Målet er no å bli best mogleg på vingen. 15-åringen likar godt å sjå på landslaga spela, og læra tips og triks av dei.

– Det går veldig greitt å ha pappa som trenar. Eg kan seia akkurat kva eg meiner. Viss det er noko eg meiner ikkje er rett, så gir eg beskjed, seier Petra tydeleg.


Treningsglade

Jentene på J15 laget syntest det er veldig kjekt å halda på med idretten.

– Me får vera i fysisk aktivitet. Og så er det veldi kjekt, fortel Anni Elise Dalland.

Ho har spelt saman med Ida Solheim og dei andre jentene sidan dei gjekk i første klasse.

– Ein får utfordra seg sjølv på mange måtar. I tillegg er det kjekt at det er eit lagspel, med eit heilt lag som må spela saman, seier Ida.

Ho forklarer at det kan vera ganske krevjande å ha kontroll på kor dei andre spelarane på banen er til ei kvar tid.


Viser musklar

I andre enden av hallen denne fredags ettermiddagn er det Gutar 12 som har trening.

Her er det full fart. Trenar Øystein Bakke har ein livleg gjeng med gutar på trening. Når dei får spørsmål om kvifor det er kjekt å driva med handball, har dei svara klare.

Me kan vera med venner, seier Samuel Dalland.

- I tillegg lærer me mykje, som å kasta ballen langt, legg han til.

- Me har veldig kjekke trenarar, fortel Brede Kleppe Røssland.

- Og så er det er ekstra gøy når me vinn kampar, seier Oliver Nordtveit Fagerbakk.

Dei andre nikkar.


Sportsleg satsing

Terje Sløgedal er i tillegg til trenar, sportsleg leiar i klubben. Han synest at det er heilt fantastisk å sjå engasjementet blant unge på Tysnes.

- Folk trenar og kosar seg, seier Sløgedal, som er oppteken av å kunna bidra til eit godt fritidstilbod.

Leiar i Tysnes idrettslag Ragnhild Malkenes, skryt over arbeidet Sløgedal gjer i klubben. Ho fortel at han var ein pådrivar, spesielt under suksessen med handballskulen. Heile 45 born deltok i september på handballskulen for første- til fjerdeklasingar, og sporten ser ut til å fengja stadig fleire tysnesingar.

Det er mykje aktivitet i klubben for tida.

Damelaget til klubben har mange aktive spelarar. Å sjå eit damelag som gjer det så bra, er nok også inspirerande for dei unge, lovande handballstjerner frå Tysnes.





KONTROLLERT KAOS: Jentene skiftar øvelse.
KONTROLLERT KAOS: Jentene skiftar øvelse.
KLISTER: Litt klister høyrer med på trening.
KLISTER: Litt klister høyrer med på trening.
PEP TALK: Terje Sløgedal gir instruksar til jentene.
PEP TALK: Terje Sløgedal gir instruksar til jentene.
I KASTET: Anni Elise Trondsen Dalland gjer seg klar til eit langkast.
I KASTET: Anni Elise Trondsen Dalland gjer seg klar til eit langkast.
JENTER 15: Fleire 14-åringar får prøva seg med 15-åringane. Her er dei samla. Oppe frå venstre: Marita Fagerbakk Lunde, Anni Elise Trondsen Dalland, Oda Skaten Aarbakke, Ida Lie Solheim og Maren Nes. Nede frå venstre: Sarah Folgerø Lavik, Emma Marie Elgsås, Mia Nes og Petra Sløgedal
JENTER 15: Fleire 14-åringar får prøva seg med 15-åringane. Her er dei samla. Oppe frå venstre: Marita Fagerbakk Lunde, Anni Elise Trondsen Dalland, Oda Skaten Aarbakke, Ida Lie Solheim og Maren Nes. Nede frå venstre: Sarah Folgerø Lavik, Emma Marie Elgsås, Mia Nes og Petra Sløgedal
GUTAR 12: Til vanleg er det fleire, men når det nærmar seg slutten av fotballsesongen er dei litt tynnare i rekkene. Bak frå venstre: Brede Kleppe Røssland, Noah Olson Aslaksen og    Tobias Dalen Hagen. Nede frå venstre: Oliver Nordtveit Fagerbakk og Samuel Dalland.
GUTAR 12: Til vanleg er det fleire, men når det nærmar seg slutten av fotballsesongen er dei litt tynnare i rekkene. Bak frå venstre: Brede Kleppe Røssland, Noah Olson Aslaksen og Tobias Dalen Hagen. Nede frå venstre: Oliver Nordtveit Fagerbakk og Samuel Dalland.
MÅL: Maren Nes smeller til med eit kjempeskot.
MÅL: Maren Nes smeller til med eit kjempeskot.
JUBEL: Emma Marie Elgsås jublar over at ho får vera utespelar på ein av øvingane. Terje Sløgedal gir den gode nyheita.
JUBEL: Emma Marie Elgsås jublar over at ho får vera utespelar på ein av øvingane. Terje Sløgedal gir den gode nyheita.

Siste saker Gå til framsida

Ådnastegen lokkar to- og firbeinte til fjells

Stølen på Ådnastegen har vore brukt i lange tider. Enno ligg der åtte små sel og to noko større hytter. Juniane Vevatne Lunde (32) gjekk dit ofte som liten, og no fører ho og mannen Matthias Tønnessen tradisjonen vidare med borna sine.