KAFESELJARAR: F.v. Tuva Hauge Hansen, Abigail Gebremskel og Tomine Helland Hagen sel bollar og kaker til inntekt for fattige born i andre land. Barnehagetilsett Mailinn Helland Hagen hjelper til. Her er det Hermann Lunde Klemmetsby som er kunde.
KAFESELJARAR: F.v. Tuva Hauge Hansen, Abigail Gebremskel og Tomine Helland Hagen sel bollar og kaker til inntekt for fattige born i andre land. Barnehagetilsett Mailinn Helland Hagen hjelper til. Her er det Hermann Lunde Klemmetsby som er kunde.

Barnehage fekk inn 2.750 på kafé i Lunde

Det var tett med folk og trangt i lokalet då Lunde barnehage fredag inviterte til kafé til inntekt for fattige born i andre land.
Publisert 10.10.2017 kl. 17.00.

Salet av bollar og kaker, saft og kaffi gjekk «så det suste». Familiemedlemer og bygdefolk viste å setja pris på kaféinvitasjon frå born og tilsette i Lunde barnehage. Fredag ettermiddag skipa dei til kaféutsal utanfor butikken i Lunde.


Unge og eldre

To av dei som står i kjøpekø då «Tysnes» er innom, er Per Gunnar Gravdal og barnebarnet Aleksander Flatråker.

– I dag blir det både bolle og eplekake, seier bestefar Per Gunnar.

Han er på kaféen for å vera med barneborna, og å støtta prosjektet deira.

I kafélokalet er det besteforeldre å sjå ved dei fleste borda.

– Ja, me er her for å støtta prosjektet til borna, seier Irene Sunde, som har teke turen saman med mannen Norolf. Dei har eit barnebarn i Lunde barnehage.

– Borna har oppmoda oss om at me måtte koma. Dei har snakka mykje om dette prosjektet, og at pengane skulle gå til born i andre land som ikkje hadde pengar til mat, fortel Irene.

– Og så smakte det veldig godt, legg ho til.

Dei to skulejentene Hedvig Lunde Klemmetsby (9) og Aurora Fjeldet Sunde (6) er og på kafé.

– Me har kjøpt skillingsbollar. Bollane var veldig gode, seier dei to jente i kor.


Godt nøgde arrangørar

– Ja, me er veldig godt nøgde, både med resultatet og med frammøtet, seier barnehagetilsett Mailinn Helland Hagen.

Til saman kom det inn 2.750 kroner på dei to timane kaféen var open.

Allereie då kaféen opna klokka to var det jamt sig med folk. I den siste opningstimen mellom tre og fire var det tett med kundar framfor salsbordet til dei unge seljarane.

– Det var veldig kjekt for borna å få stå bakom disken og selja til familiemedlemer og kjende som kom innom, legg Hagen til.

I «Tysnes» sist veke kan me lesa om korleis borna i Lunde barnehage i lengre tid har førebudd seg. Dei har lese om fireåringen Sivatas og korleis han og familien hans har det på Sri Lanka. Dei siste dagane før kaféen gjekk førebuingane med til baking.

Pengane som kom inn går til barneaksjonen Forut. Aksjonen i år handlar mellom anna om Sivatas frå Sri Lanka.


NY KUNDE: – Det smakte godt, seier Lucas Flatråker Tønnessen (9).
NY KUNDE: – Det smakte godt, seier Lucas Flatråker Tønnessen (9).
KJEKT PÅ KAFE: Hedvig Lunde Klemmetsby (9) og Aurora Fjeldet Sunde (6) skryt over skillingsbollane.
KJEKT PÅ KAFE: Hedvig Lunde Klemmetsby (9) og Aurora Fjeldet Sunde (6) skryt over skillingsbollane.

Siste saker Gå til framsida

– Dette er ikkje gøy

Tor Magnus Hauge er dagleg leiar i Tysnes Maskin. Kvar dag køyrer han gjennom Kløvbrekko med store køyretøy.