SOLIST: Anette Christensen (13) har vore med i kor sidan ho var fire år gamal, og hadde fleire soloar under konserten.
SOLIST: Anette Christensen (13) har vore med i kor sidan ho var fire år gamal, og hadde fleire soloar under konserten.

– Den store kunsten i livet er å gjera andre store

Laurdag kveld var ungdommar frå Tysnes, Arna og Fusa samla i Tysnes kyrkje. Mange hadde teke turen for å høyra på, og dei fekk ei fin oppleving.
Publisert 10.10.2017 kl. 06.00. Oppdatert kl. 10.00.

– Soul Children er ein stor korbevegelse som finst i heile landet og faktisk i mange andre land og, fortel Eldbjørg Knudsen.

Koret er knytta opp til eit stort fellesskap. Knudsen har vore med og leia kora på Tysnes i 22 år, og var svært stolt og rørt av ungdomane sin opptreden denne kvelden.

– Me har øvt i heile haust, men me fekk berre øvt saman med dei andre i går og litt i dag, seier korleiaren.


Solistar

Showet starta med at ungdomane sprang inn kyrkjedørene. Deretter framførte dei fleire songar med solistar frå alle kommunane. Ei av desse var Anette Christensen (13) frå Tysnes. Ho har vore i barnekortet sidan ho var fire år gamal, og i Soul Children sidan det starta for to-tre år sidan.

– Eg vil definitivt anbefala andre å bli med. Det er mykje song og dans, og då Soul Children kom, og eg kunne vera med der, følte eg at eg kunne utvikla songen endå meir, fortel ho, etter ein flott opptreden.

Christensen fortel at ho var svært nervøs før ho skulle syngja, men det merka ikkje publikum noko til.


4. til 10. klasse

På Tysnes kan alle frå 4. klasse og opp til 10. klasse vera med. Ei av dei yngste i koret er Sunniva Dalland (9). Ho meiner bestemt at det beste med å vera med i kor er å syngja. I motsetning til Anette var ikkje Sunniva særleg nervøs.

– Eg synest det gjekk ganske bra eigentleg. Det var i alle fall veldig gøy, smiler ho.

– Kva er forskjellen på «Soul Children» og vanleg kor?

– Her syng me mykje meir engelsk, men i barnekoret syng me meir norsk slik at borna skal skjøna det, fortel Sunniva.

– Kva likar du best?

– Eg synest det er gøyast å syngja engelsk, fordi eg synest det er litt gøy å snakka engelsk.


Nulltoleranse for mobbing

Koret framførte mellom anna ein song som heitte «This is the real life», som handlar om at det å vera ung i dag ikkje alltid er like enkelt. Soul Children-konsulent Barbro Wiig Sulebakk frå Bergen fortel at det er dette koret står for. Det er viktig å snakka om alt mogleg, heia på kvarandre og støtta kvarandre.

– Me har nulltoleranse for mobbing, og den store kunsten i livet er å gjera andre store, fortel ho.


Stjernehimmel

Under den siste songen var publikum oppfordra til å halda opp eit lys for å laga ein stjernehimmel. Dei song «Under stjernene», med tysnesingen Sunniva Dalland (9) som solist.


PUBLIKUM VAR MED: Koret hadde fleire innslag som oppfordra publikum til å vera med.
PUBLIKUM VAR MED: Koret hadde fleire innslag som oppfordra publikum til å vera med.
STJERNEHIMMEL: Under den siste songen, «Under stjernene», var kyrkja dekt av ljos og Sunniva Dalland (9) var solist.
STJERNEHIMMEL: Under den siste songen, «Under stjernene», var kyrkja dekt av ljos og Sunniva Dalland (9) var solist.
VIKTIG Å HEIA PÅ KVARANDRE: – Me har nulltoleranse for mobbing, og den store kunsten i livet er å gjera andre store, fortel Soul Children-konsulent Barbro Wiig Sulebakk.
VIKTIG Å HEIA PÅ KVARANDRE: – Me har nulltoleranse for mobbing, og den store kunsten i livet er å gjera andre store, fortel Soul Children-konsulent Barbro Wiig Sulebakk.

Siste saker Gå til framsida

Vann skulepris frå Leger uten grenser

Ingeborg Eide, Malin Nerhus og Madelene Hauge frå Hatlestrand oppvekstsenter blei fylkesvinnarar ved å synleggjera den gløymde krisa om at titusenar av kvinner døyr av utrygg abort.

Lesarbrev: Til søknad om oppdrettsanlegg ved Toneset, Vernøy

I bladet Tysnes den 30.11.17 skreiv Ingunn Gjærde ei sak om tareproduksjon i RexStar sine lokale på Reksteren. Her opplyser Harald Sveier frå Lerøy Vest AS at Lerøy ønskjer å starta med taredyrking i sjø i Tysnes. Blant lokalbefolkninga blei det i sommar protestar mot planane på Toneset på Reksteren, sjølv om kommunen var positiv. Søknaden er framleis under behandling. Vidare opplyser Sveier...

Får 15.000 til oppsetjing av Hegglandshusa

Olav og Hilde Mary Laukhamar får 15.000 kroner i kommunal støtte til oppsetjing av dei gamle Hegglandshusa på Laukhamar. Det vedtok formannskapet samrøystes tysdag.Olav og Hilde Mary Laukhamar har i tillegg søkt Hordaland fylkeskommune om 100.000 kroner i tilskot til verna kulturminne. Nytt i år er at slike søknader til fylkeskommunen skal prioriterast av kommunen. Dette er den einaste...