BETRE PLASS: Den nye salen på Haaheim Gaard som mellom anna kan nyttast til konsertar har plass til 130-140 tilskodarar, forklarar Torstein Hatlevik, eigar av Haaheim Gaard. Foto: Camilla Korsnes
BETRE PLASS: Den nye salen på Haaheim Gaard som mellom anna kan nyttast til konsertar har plass til 130-140 tilskodarar, forklarar Torstein Hatlevik, eigar av Haaheim Gaard. Foto: Camilla Korsnes

Satsar kulturelt i ny sal

– Me har alltid ynskt å skapa ein kulturscene. Det kjem til å skje mykje kjekt og spanande i haust, seier Torstein Hatlevik.
Publisert 10.10.2017 kl. 12.00.

Eigaren av Haaheim Gaard forklarar at han har heilt andre høve for store arrangement etter utbygginga av hotellet, mellom anna med ny sal, som passar til kulturelle førestillingar.

– Me hadde også kulturarrangement tidlegare, men då hadde me fysiske avgrensingar for ein del arrangement, så det blei mykje mindre av det enn me ynskte, seier han.


Ølsmaking og opera

Med tanke på programmet i haust nemner han at Linda Eide kjem midt i oktober, i tillegg til at eit bryggeri kjem på vitjing i slutten av månaden, og byr på ølsmaking.

– Me har også booka solistar frå operaen i Oslo i løpet av hausten. Morten Grøtnes kjem for å laga show i november, og før jul blir det konsert med Big Band Bluesband, og seinare Westwind, seier Hatlevik.

I tillegg blir det livemusikk i julebordhelgane.

– For tida held me på med program for 2018. Det blir mykje å sjå fram til då. Me har mellom anna booka ei operaførestilling, seier Hatlevik.


– Mykje er fullt

Den nye salen på Haaheim Gaard har plass til 130-140 tilskodarar på konsertane, og opna under Tysnesfest i år.

– Eg trur veldig mange synest det blir kjekt med mange kulturarrangement. Det er positivt for øya at også Mandelhuset satsar meir på det, seier han.

I tillegg til ny sal, er nye rom ein del av utbygginga av Haaheim Gaard. Ifølgje Hatlevik kjem hotellet til å ha 22 rom når alt er ferdig.

– Det meste er fullbooka framover, men det er framleis plass innimellom, sjølv om målet er at me skal ha fullt heile tida, seier hotelleigaren.


Siste saker Gå til framsida

Vann skulepris frå Leger uten grenser

Ingeborg Eide, Malin Nerhus og Madelene Hauge frå Hatlestrand oppvekstsenter blei fylkesvinnarar ved å synleggjera den gløymde krisa om at titusenar av kvinner døyr av utrygg abort.

Lesarbrev: Til søknad om oppdrettsanlegg ved Toneset, Vernøy

I bladet Tysnes den 30.11.17 skreiv Ingunn Gjærde ei sak om tareproduksjon i RexStar sine lokale på Reksteren. Her opplyser Harald Sveier frå Lerøy Vest AS at Lerøy ønskjer å starta med taredyrking i sjø i Tysnes. Blant lokalbefolkninga blei det i sommar protestar mot planane på Toneset på Reksteren, sjølv om kommunen var positiv. Søknaden er framleis under behandling. Vidare opplyser Sveier...

Får 15.000 til oppsetjing av Hegglandshusa

Olav og Hilde Mary Laukhamar får 15.000 kroner i kommunal støtte til oppsetjing av dei gamle Hegglandshusa på Laukhamar. Det vedtok formannskapet samrøystes tysdag.Olav og Hilde Mary Laukhamar har i tillegg søkt Hordaland fylkeskommune om 100.000 kroner i tilskot til verna kulturminne. Nytt i år er at slike søknader til fylkeskommunen skal prioriterast av kommunen. Dette er den einaste...