FLEIRE ARRANGEMENT: Dagleg leiar Patrick Madsen forklarar at Mandelhuset skal ha fem fleire kulturarrangement i haust i enn i fjor haust. (Foto: Camilla Korsnes)
FLEIRE ARRANGEMENT: Dagleg leiar Patrick Madsen forklarar at Mandelhuset skal ha fem fleire kulturarrangement i haust i enn i fjor haust. (Foto: Camilla Korsnes)

– Folk treng ikkje reisa vekk for å oppleva kulturarrangement

Mandelhuset satsar på noko for alle i haust.
Publisert 10.10.2017 kl. 06.00. Oppdatert kl. 10.06.

– Det blir julekonsert, intimkonsertar og nyttårsball for dei vaksne, seier Patrick Madsen, dagleg leiar av Mandelhuset.

Sist helg var det konsert med Tysnes Musikklag. Mandelhuset ventar også vitjing frå Sigrid Moldestad og Inger Lise Hope, som hadde julekonsert der i fjor.

– Moldestad var i Onarheimskyrkja, og song heilt fenomenalt. Ho er ein flink artist med gode konsertar. Hope sin konsert er litt meir familiekonsert. Ho syng som ein engel, seier han.


Fleire arrangement

Ifølgje han blir det fem fleire arrangement dei neste månadane, enn det var i fjor haust.

– I løpet av dei komande månadane skal me ha elleve ulike store arrangement, røpar han.

Madsen fortel at kultursatsinga heng saman med utbygginga av Mandelhuset.

– Me har drift heile året no, og vonar det blir teke godt imot. Ein viktig del av utbygginga var at lokalsamfunnet må vera houvedprioritet, og få eit godt tilbod, seier han.

– Dessutan har me alltid hatt som mål at Mandelhuset skal vera ein kulturell møtestad for tysnesingar, forklarar Madsen.


For alle

– Korleis trur du arrangementa slår an?

– Eg vonar det er ein marknad for dette. Me sel middag før arrangementa, så dette skal vera eit alternativ istadenfor for å reisa til byen på hotell. Folk må ikkje reisa vekk for å oppleva gode kulturarrangement.

Etter jul gler han seg spesielt til Terje Sporsem skal opptre på Mandelhuset i februar.

– Han er steike flink, så det blir ein fin kveld, seier han.

– Kven er arrangementa retta mot?

– Det er litt variert. Det skal vera noko for alle.


Siste saker Gå til framsida

Vann skulepris frå Leger uten grenser

Ingeborg Eide, Malin Nerhus og Madelene Hauge frå Hatlestrand oppvekstsenter blei fylkesvinnarar ved å synleggjera den gløymde krisa om at titusenar av kvinner døyr av utrygg abort.

Lesarbrev: Til søknad om oppdrettsanlegg ved Toneset, Vernøy

I bladet Tysnes den 30.11.17 skreiv Ingunn Gjærde ei sak om tareproduksjon i RexStar sine lokale på Reksteren. Her opplyser Harald Sveier frå Lerøy Vest AS at Lerøy ønskjer å starta med taredyrking i sjø i Tysnes. Blant lokalbefolkninga blei det i sommar protestar mot planane på Toneset på Reksteren, sjølv om kommunen var positiv. Søknaden er framleis under behandling. Vidare opplyser Sveier...

Får 15.000 til oppsetjing av Hegglandshusa

Olav og Hilde Mary Laukhamar får 15.000 kroner i kommunal støtte til oppsetjing av dei gamle Hegglandshusa på Laukhamar. Det vedtok formannskapet samrøystes tysdag.Olav og Hilde Mary Laukhamar har i tillegg søkt Hordaland fylkeskommune om 100.000 kroner i tilskot til verna kulturminne. Nytt i år er at slike søknader til fylkeskommunen skal prioriterast av kommunen. Dette er den einaste...