STORKOSA SEG: F.v. Henrik Harsvik Storetveit (9), Lukas Flatråker Tønnesen (9), Hilda Særsten Stien (9), Martha Nødland Austvik (9), Hedvig Lunde Klemmensby (9) seier seg alle einige i at «Lys vaken» har vore ei kjempekjekk oppleving.
STORKOSA SEG: F.v. Henrik Harsvik Storetveit (9), Lukas Flatråker Tønnesen (9), Hilda Særsten Stien (9), Martha Nødland Austvik (9), Hedvig Lunde Klemmensby (9) seier seg alle einige i at «Lys vaken» har vore ei kjempekjekk oppleving.

Spennande overnatting i kyrkja

– «Lys vaken» handlar om å vera vaken til klokka tolv, eller lenger, fortel Martha Nødland Austvik (9).
Publisert 12.10.2017 kl. 17.00.

Ho er ein av dei som deltok på «Lys vaken» i Reksteren kyrkje i helga. Saman med om lag 16 andre fjerdeklassingar har dei vore med på å laga gudsteneste og overnatta i kyrkja.


Overnatting

«Lys vaken» er ein del av trusopplæringa i Tysnes.

– Dette inneber å overnatta og bli kjend i Reksteren kyrkje. Me har gjort veldig mykje anna også, fortel trusopplærar Heidi Hollekim.

Dei har blant anna vore i kulturhuset og ete, trimma og grilla marshmallows.

– Me sendte til og med opp ei kinesisk lykt, før me gjekk og la oss, fortel ho.


Saft og kjeks

Dagen etter var dei tidleg oppe, for å førebu gudstenesta.

– Me øvte mykje på songar og posisjonen vår inn. Og gjennom gudstenesta fekk me sjå fleire av borna i aksjon. Dei las, song og dansa, smiler Hollekim.

Då dei var ferdige, fekk alle servert saft og kjeks.


SONG: Fjerdeklassingane framførte ein song dei hadde lært i helga.
SONG: Fjerdeklassingane framførte ein song dei hadde lært i helga.
GUDSTENESTE: Alle hadde kvar si oppgåve under gudstenesta.
GUDSTENESTE: Alle hadde kvar si oppgåve under gudstenesta.

Siste saker Gå til framsida

Vann skulepris frå Leger uten grenser

Ingeborg Eide, Malin Nerhus og Madelene Hauge frå Hatlestrand oppvekstsenter blei fylkesvinnarar ved å synleggjera den gløymde krisa om at titusenar av kvinner døyr av utrygg abort.

Lesarbrev: Til søknad om oppdrettsanlegg ved Toneset, Vernøy

I bladet Tysnes den 30.11.17 skreiv Ingunn Gjærde ei sak om tareproduksjon i RexStar sine lokale på Reksteren. Her opplyser Harald Sveier frå Lerøy Vest AS at Lerøy ønskjer å starta med taredyrking i sjø i Tysnes. Blant lokalbefolkninga blei det i sommar protestar mot planane på Toneset på Reksteren, sjølv om kommunen var positiv. Søknaden er framleis under behandling. Vidare opplyser Sveier...

Får 15.000 til oppsetjing av Hegglandshusa

Olav og Hilde Mary Laukhamar får 15.000 kroner i kommunal støtte til oppsetjing av dei gamle Hegglandshusa på Laukhamar. Det vedtok formannskapet samrøystes tysdag.Olav og Hilde Mary Laukhamar har i tillegg søkt Hordaland fylkeskommune om 100.000 kroner i tilskot til verna kulturminne. Nytt i år er at slike søknader til fylkeskommunen skal prioriterast av kommunen. Dette er den einaste...