UTRYKKING TIL TYSNES: To politibilar rykte ut til Tysnes, med ferja frå Halhjem til Våge, laurdag kveld. (Foto: "Tysnes"-tipsar)
UTRYKKING TIL TYSNES: To politibilar rykte ut til Tysnes, med ferja frå Halhjem til Våge, laurdag kveld. (Foto: "Tysnes"-tipsar)

Politiet pågreip mann med kniv i Våge

Hordaland politikammer sende to patruljebilar med ferja til Våge laurdag kveld etter at ein mann hadde oppført seg skræmande på ferjekaien. Politiet pågreip mannen klokka 21.38.
Publisert 14.10.2017 kl. 22.46.

Hordaland politikammer fekk den fyrste meldinga i saka klokka 20.30 laurdag kveld etter at ein mann oppførte seg skræmande på ferjekaien, med både roping og skriking. Han hadde også kniv.

Nokre ungdomar som var på kaien trekte seg vekk frå mannen.

– På grunn av at mannen hadde kniv, sende me vakthavande ved Fusa og Tysnes lensmannskontor og ein patrulje frå Halhjem med ferja, fortel vakthavande ved operasjonssentralen hjå Hordaland politikammer.

Politiet tok hand om mannen klokka 21.38. Kva som er bakgrunnen til oppførselen, kan ikkje politiet seia noko om laurdag kveld.

I fyrste omgang er mannen teken med til Bergen legevakt for undersøking.

Ingen vart skada i situasjonen.


Siste saker Gå til framsida

På gamleheimen

At gamleheimen skulle koma til å hamna på Hovland, hadde mest med tilfeldige omstende å gjera. Det vart i alle høve slik at Tysnes Gamleheimslag overtok den staselege gamle doktorbustaden som vart bygd av distriktslege Gjestland, som fekk skøyte i 1880. Her sette han opp ein bustad som ikkje stod tilbake for dei gamle patrisiarhusa som rikfolk i Bergen gjerne bygde som «lyststeder» utanfor...

Fylket seier nei til Hordfastaksjar

Hordaland fylkesting seier nei til kjøp av aksjar i Hordfast no. Fylkestinget vil ta stilling til aksjekjøp når ei utgreiing om fylkeskommunen si deltaking i pådrivarselskap ligg føre.Vedtaket i fylkestinget vart gjort mot fem røyster (SV, MGD og Raudt). Desse partia ville saman med Tom Sverre Tomren i KrF seia eit klart nei til fylkeskommunalt aksjekjøp i Hordfast AS.Høgre kom...