NY PÅ DAMELAGET: Thea Sløgedal vart toppscorar i kampen mot Åsane, med ni nettkjenningar.
NY PÅ DAMELAGET: Thea Sløgedal vart toppscorar i kampen mot Åsane, med ni nettkjenningar.

Kjempa seg til solid siger

Åsane 2 var sjanselause i møte med Tysnes IL sitt damelag søndag ettermiddag. Stillinga vart 21-10.
Publisert 15.10.2017 kl. 20.56. Oppdatert kl. 21.07.

Etter to bortekampar var det søndag duka for den fyrste og siste heimekampen denne hausten. Tysnesdamene speler no i 5. divisjon, og sidan i vår har laget fått påfyll av mange unge, flinke spelarar.


Få mål

Fyrste halvdel av kampen vart ein svært målfattig omgang. Ingen av laga fekk inn scoringar i sine fyrste angrep, men etter kvart gjekk Åsane opp i 2-0 leiing.

Tysnes sleit litt med å få til gode avslutningar, men dette skulle koma seg etter kvart. Thea Sløgedal, som i tidlegare år har markert seg godt i jentelaga på Tysnes, kom plutseleg med to kjappe mål på rappen, og utlikna dermed til 2-2. Kort tid seinare kom Julie Bakke med eit godt skot frå ving, og sette Tysnes i 3-2 leiing.

Den nye damelagskeeperen Lea Sofie Trondsen Dalland hadde svært mange gode redningar gjennom heile kampen, og jubelen stod i taket då den andre tysneskeeperen Silje Lunde redda på straffe kort tid før pause. Stillinga var 7-3 då dommaren bles av til kvilen.


Overlegent heimelag

I 2. omgang kom scoringane oftare frå det blåkledde heimelaget, og den fullsette tribunen fekk mykje å klappa for. Gjengen har ikkje hatt veldig mange veker på å læra kvarandre å kjenna i haust, men samarbeidde godt, og viste stort potensiale.

Tysnes pressa stadig på og heldt eit godt tempo. I forsvar var dei knallgode, og med Dallandjenta i mål vart det ikkje rart at dei unge Åsane-spelarane etter kvart såg ut til å mista motet. Då det var ti minutt igjen av kampen var stillinga 16-8, og etter nokre nye scoringar frå begge lag i travle sluttminutt, vart resultatet 21-10. Ein underhaldande kamp, som aldri blei farleg spanande.

Ifølgje terminlista har tysnesdamene tre kampar igjen før jul – alle på bortebane. Neste sjanse til å sjå damelaget skina på heimebane er ikkje før 7. januar.


Desse var med:

Isabel Rosvold Vik, Linn Bergesen (5), Thea Sløgedal (9), Martine Siglevik Lunde (3), Julie Bakke (2), Eline Teigland Bakke, Lea Sofie Trondsen Dalland, Norunn Ebbesvik, Maria Lillesletten Hagen (1), Hannah Rød Halvorsen, Karoline Helland, Celine Vevatne Lunde (1), Silje Lunde og Signe Pettersen Opdal.


RUTINERT: Linn Bergesen (t.h.) er ein av relativt få spelarar som er att frå den «gamle» damelagsgjengen. Ho spelte godt i kampen mot Åsane, og bidrog med fem mål.
RUTINERT: Linn Bergesen (t.h.) er ein av relativt få spelarar som er att frå den «gamle» damelagsgjengen. Ho spelte godt i kampen mot Åsane, og bidrog med fem mål.
NY TRENAR: Sveinung Halvorsen er ny trenar på Tysnes IL sitt damelag, saman med hjelpetrenar Terje Sløgedal. Her kjem han med nokre velvalde ord i ein timeout.
NY TRENAR: Sveinung Halvorsen er ny trenar på Tysnes IL sitt damelag, saman med hjelpetrenar Terje Sløgedal. Her kjem han med nokre velvalde ord i ein timeout.
BLANT DEI YNGSTE: Maria Lillesletten Hagen har med seg mange jamaldrandre på damelaget. Her plukkar ho opp ballen uten særleg stor kamp frå Åsane.
BLANT DEI YNGSTE: Maria Lillesletten Hagen har med seg mange jamaldrandre på damelaget. Her plukkar ho opp ballen uten særleg stor kamp frå Åsane.
MÅTTE KJEMPA: Sjølv om det vart mange scoringar, var det ikkje alltid like lett å koma gjennom Åsane sin forsvarsmur. Her er det Martine Siglevik Lunde som vert stoppa.
MÅTTE KJEMPA: Sjølv om det vart mange scoringar, var det ikkje alltid like lett å koma gjennom Åsane sin forsvarsmur. Her er det Martine Siglevik Lunde som vert stoppa.

Siste saker Gå til framsida

– Eldre bør trena styrke

Eldre kan bli like sterke som 20-åringar, viser forskning. Me har snakka med tre godt vaksne tysnesingar som har fått stort utbytte av styrketrening dei siste åra.

Lesarbrev: Omsorg, skule, barnehage, pengar og slikt…

Me har nett før jul landa eit einstemmig budsjett i Tysnes kommunestyre. Diskusjonen fram mot vedtak gjekk føre seg i sømelege former, og det kom ikkje til store sverdslag. Det eit godt teikn at me som syslar med lokalpolitikk er einige i ei slik viktig sak. Me har lagt investeringsplanar som kommunestyret stort sett er einige om, og driftsbudsjettet er lagt fram og vedtatt utan stort...

Lensmannen dansa på sjukeheimen

Songgruppa «Fjordablæst» underheldt på sjukeheimen laurdag ettermiddag, og det var svært populært både blant dei som bur der og besøkjande.