LIKAR SEG PÅ TYSNES: Både korpsmusikk og song står på programmet når Ladegården korps kjem til Tysnes bedehus. Biletet er frå besøket i fjor. (Foto: H.O.D)
LIKAR SEG PÅ TYSNES: Både korpsmusikk og song står på programmet når Ladegården korps kjem til Tysnes bedehus. Biletet er frå besøket i fjor. (Foto: H.O.D)

Nytt korpsbesøk i bedehuset

I snart 20 år har Frelsesarmeen med Ladegården korps vore ein årleg gjest i Tysnes bedehus. Fredag 20. oktober kjem korpset igjen på besøk.
Publisert 17.10.2017 kl. 06.00. Oppdatert 18.10.2017 kl. 08.56.

Denne kvelden blir det ein ny «Song- og musikkveld» i bedehuset. Alle som tidlegare har fått med seg slike kveldar med Ladegården korps, veit at dette er ei rik oppleving med god stemning. Og den muntre flokken frå Frelsesarmeen i Bergen synest sjølve det er triveleg å koma til Tysnes. Det er alltid noko dei ser fram til. Dei likar seg her.

Mange har alltid møtt fram når Ladegården korps kjem til Tysnes bedehus. Det er oppmuntrande og godt å høyra songen, musikken og det dei elles har på programmet.

Slik blir det nok også denne gongen. Det er vel verdt å bruka eit par timar i bedehuset neste fredagskveld, der alle også får ta del i frisk fellessong, og så blir det servert kveldsmat. Ta turen!


Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...