LEVER FARLEG: I år er det lov til å fiska ti millionar leppefiskar her på Vestlandet. (Foto: Christina Korsnes)
LEVER FARLEG: I år er det lov til å fiska ti millionar leppefiskar her på Vestlandet. (Foto: Christina Korsnes)

Lesarbrev: Feil å ofra leppefiskbestanden i kampen mot lakselus

Publisert 22.10.2017 kl. 15.00.

I sist utgåve av «Tysnes» hadde Svein Ingvald Opdal eit lesarbrev om leppefisken sin skjebne i fjordane våre. Det er godt å sjå at det ikkje berre er eg som reagerer med skepsis til dette store overfisket av leppefisk.

No bur eg slik til at eg har god oversikt over Bjørnefjorden og den aktiviteten som er der. I år har det vore tre båtar som har fiska i mitt nærområde (i fjor var det sju båtar som slost om plassen) og teinene har lege ute nesten heile tida no i 2,5 månadar.

Det er nok eit varsel om lite fisk når enkelte lar teinene liggja utan røkting i opptil sju dagar.

Fiskeridirektoratet prøver å begrensa fisket, men om det dei gjer er nok, gjenstår å sjå.I år er det 75.000 fiskar per båt som er kvoten. I fjor var total-kvoten på 10.000.000 fiskar her på Vestlandet.Oppdretts-næringa pressar på for å få meir leppefisk, så eg håpar Fiskeriinspektørane er sterke nok til å stå imot. Det blir feil å ofra leppefiskbestanden i ein kamp mot lakselus, som oppdrettsnæringa aldri kjem til å vinna, ikkje før det vert påbod om lukka anlegg.


Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...