Fortent siger til Njardar J10
Torsdag sist veke spelte Njardar J10 sin siste kamp for sesongen.
Søfteland vart sendt heim att over Bjørnefjorden med 4-2 tap etter endt oppgjer på Reiso.
Tidleg leiing
Kampen var berre fem minutt gamal då Njardar tok leiinga.
Eit innlegg frå venstrekanten vart møtt av Rikke Dalen Hagen som ekspederte ballen sikkert i nota.
Heimelaget var det førande laget og serverte publikum godt spel og innsats.
Ronja Sløgedal var så frampå to gonger og sende Njardar i 3-0 leiing, før Søfteland fekk ei redusering like før pause.
4-2 siger
Betiel Sweet auka kjapt leiinga til 4-1 i andre omgang, og sjølv om gjestene reduserte ein gong til, var det ingen tvil om at sigeren ville bli Njardar sin.
Sluttresultatet enda med 4-2. Alle jentene var på hogget og sigeren var fullt fortent!
Desse var med: Stine Erstad, Ingrid Belt, Mariella Thuen, Emma Sofie Nesse, Rikke Dalen Hagen, Julie Sjøbø, Ronja Sløgedal, Karianne Haugstad, Betiel Sweet og Yosan Nguse.
