NYE DRAKTER: Sju av laga til Tysnes idrettslag har fått nye drakter. Søndag spelte både Jenter 15, Jenter 14 og Gutar 12 i dei nye draktene i Tysneshallen. (Foto: Morten Haaland)
NYE DRAKTER: Sju av laga til Tysnes idrettslag har fått nye drakter. Søndag spelte både Jenter 15, Jenter 14 og Gutar 12 i dei nye draktene i Tysneshallen. (Foto: Morten Haaland)

Spelte heimekampar med heilt nye drakter

Tysnes idrettslag har inngått nye sponsoravtalar. Søndag vart nye drakter med påtrykt nye sponsorar vist fram i Tysneshallen.
Publisert 26.10.2017 kl. 09.49. Oppdatert kl. 12.49.

Dei tre laga som søndag spelte for fyrste gong med nye drakter var Jenter 15, Jenter 14 og Gutar 12.

– Innviinga av draktene gjekk veldig fint. Dei tre laga som var i aksjon i hallen på søndag, spelte veldig bra, sjølv om det likevel vart nokre tap. Me møtte veldig gode lag, seier trenar Terje Sløgedal.

For Jenter 14 vart det ein svært spanande og jevn kamp mot Stord, der Stord til slutt stakk av med sigeren med eit måls overtak, 12-13.

Jenter 15 spelte mot Fana, og tapte 11-16.

Gutar 12 spelte to kampar på søndag. I kampen mot Åsane vann dei heile 29-6, medan det vart eit knepent tap mot Tertnes, 20-24.

Damelaget spelte med dei nye draktene sist helg, medan Jenter 11 hadde bortekamp denne helga, og innvia dei nye draktene då.

Alle laga frå ni år og oppover har no fått nye drakter, til saman er det sju lag.

– Kvart lag har to sett drakter, raudt til heimekampar og blått til reservedrakter i dei tilfella det er motstandar i raudt, seier trenaren.


Siste saker Gå til framsida

Skal arrangera opplæringsjakt på Tysnes

Tysnes Jakt- og Fiskelag skal til helga arrangera opplæringsjakt.– Me er så heldige at me har fått tak i opplæringsterreng her på øya, og me er også så heldige at me skal arrangera opplæringsjakt i regi av Norges Jeger- og Fiskerforbund, fortel leiar i Tysnes Jakt- og Fiskelag, Bjarte Erstad.Fredag kveld er sett av til informasjon. Sjølve jakta vil føregå laurdag og søndag. Det...

Håpar på E39-vedtak før jul

Kor Langenuen skal kryssast av den nye ferjefrie E39, kan bli avgjort før jul. Det fortel prosjektleiar for E39 Stord-Tysnes-Os, Signe Eikenes, til «Tysnes».Dei to alternativa som det står mellom er sørleg kryssing ved Hodnanes-Jektevik (biletet) og eit midtre alternativ ved Raunholm-Neshamn. Kommunestyret i Tysnes har gått inn for kryssing i sør. Det har også nabokommunane.– Me...