FØRSTE SCORING: Ådne Onarheim var frisk på Njardar sin høgrekant, og scora også laget sitt første mål mot Kalandseid i 2-0 sigeren.
FØRSTE SCORING: Ådne Onarheim var frisk på Njardar sin høgrekant, og scora også laget sitt første mål mot Kalandseid i 2-0 sigeren.

Sikra sigeren i sluttminutta

To mål i dei to siste speleminutta gjorde at a-laget avslutta 2017 med siger. Men opprykket glapp.
Publisert 29.10.2017 kl. 23.11.

Det var Kalandseid som var gjester på Reiso søndag i sesongens siste seriekamp i 7.divisjon. Njardar/Tysnes måtte vinna kampen for å ha von om opprykk.

Dersom Njardar vann og Frøya tapte sin kamp, ville tysnesingane ta andreplassen som gav kvalifiseringsspel om opprykk. Men Frøya vann sin kamp heile 11-3, og dermed måtte Njardar sjå langt etter opprykk sjølv om dei sikra seg tre poeng mot Kalandseid.


Små marginer

– I bortekampen vår mot Frøya tidlegare i år så var stillinga 4-4 då Frøya klarte å scora med siste sparket på ballen og dei vann 5-4. Hadde det blitt uavgjort i den kampen, så hadde det vore Njardar som no skulle spelt kvalifisering om opprykk.

– Av og til er det små marginer, seier trenar Arild Pettersen til Bladet Tysnes etter kampslutt.


Betre i 2.omgang

1.omgangen var så som så frå heimelaget. Laget hadde nokre store sjanser, men spelarane virka ikkje heilt på.

Etter pause var det meir fres, og sjølv om bortelaget låg med ni mann i forsvar stort sett heile kampen, klarte Njardar til slutt å få «hol på byllen».


Skot i mål

I det 88.minutt plukka Ådne Onarheim opp ballen på rundt 20 meter, dribla av ein forsvarar, før han drog til med høgrefoten.

Ballen sat klistra nede ved stolperota utan sjanse for Kalandseid-keeperen.


Soloraid

Minuttet etter satte Lasse Skulstad fart og tok eit soloraid. Innlegget hans femogførti frå dødlinja vart møtt av Heine Henanger som enkelt breidsida ballen i nota.

Dermed vann heimelaget 2-0 noko som var full fortent, men som altså ikkje haldt til å halda liv i opprykkshåpet.


Må prioritera

På spørsmål om kva som må til for at a-laget skal ta steget opp ein divisjon, seier Pettersen dette: - Først og fremst er det viktig at alle held fram!

Han seier vidare at ein må trene meir enn dei andre laga i pulja og spelarane må vera viljuge til å priotera fotballen gjennom heile sesongen, sjølv om ein spelar på det lågaste nivået.


Møter 2-ar- og 3-arlag

– Ein møter som regel ein del 2er og 3er lag, og her er det ikkje uvanleg at dei stiller med nokre førstelagsspelarar frå både 5. og 4.divisjon, forklarar han.

– Men viss Njardar har ein stall på 25 motiverte spelarar til sesong, så er eg overtydd om at dei kan klara det, sluttar Arild Pettersen.


Ferdige som trenarar

Både Pettersen og trenarkollega Torbjørn Onarheim gjer seg på a-laget.

Dei har trent laget i tre år, og klubben må såleis ut på trenarjakt og finna ny trenar for 2018.

Desse var med mot Kalandseid: Kjartan Hagen, Tommy Hansen, Morris Skulstad, Terje Hagen, Fahri Akuyz, Ådne Onarheim, Thomas Hagen, Aksel Lande, Børge Pedersen, Lasse Skulstad, Raymond Epland, Arild Ebbesvik, Alexander Kleppe, Elvis Kalvans, Heine Henanger, Endre Vermedal.

gunnar hansen

redaksjonen@tysnesbladet.no


DUELL: Alexander Kleppe i duell.
DUELL: Alexander Kleppe i duell.
GLEDE: Smil, letta og glede då a-laget endeleg fekk mål to minutt før full tid.
GLEDE: Smil, letta og glede då a-laget endeleg fekk mål to minutt før full tid.
GOD I FORSVAR: Terje Hagen i ei uvant stopperrolle gjorde ein god figur.
GOD I FORSVAR: Terje Hagen i ei uvant stopperrolle gjorde ein god figur.

Siste saker Gå til framsida

Ådnastegen lokkar to- og firbeinte til fjells

Stølen på Ådnastegen har vore brukt i lange tider. Enno ligg der åtte små sel og to noko større hytter. Juniane Vevatne Lunde (32) gjekk dit ofte som liten, og no fører ho og mannen Matthias Tønnessen tradisjonen vidare med borna sine.