TENKJER ALTERNATIVT: Harald Heie og resten av bedehusstyret vil tenkja ut alternative måtar å bruka bedehuset på.
TENKJER ALTERNATIVT: Harald Heie og resten av bedehusstyret vil tenkja ut alternative måtar å bruka bedehuset på.

Ber om pengar til oppussing på Jensvoll

– Me skal pussa opp tak og golv i kjellarstova i bedehuset, seier Harald Heie, formann i bedehusstyret.
Publisert 31.10.2017 kl. 13.22.

Han har teke lokalavisa med til kjellarstova i Jensvoll Bedehus, som ligg i Uggdal. I rommet er det mellom anna ein stor sofakrok med fleire bord og sofaar, eit etebord i eit hjørne og eit orgel.

– Her er det ein del som må fiksast, kommenterer Heie, medan han peikar på døra, og taket i rommet.


Vil at fleire brukar kjellaren

I byrjinga av janausr startar arbeidet. Oppussinga vil kosta om lag 100.000 kroner i tillegg til dugnad, og er noko styret i bedehuset vil søkja om støtte til.

– Bedehuset er driven på friviljug basis, så me søkjer om midlar frå enkeltpersonar, forklarar Heie.

Ifølgje han blir kjellarstova i bedehuset ofte brukt til aktivitetar, som mindre møte, styresamlingar og utleige.

Me har også brukt kjellaren litt sporadisk i samband med til dømes julefest, forklarar han.


Vil leiga ut

I tillegg til oppussinga, vil styret tenkja ut alternative måtar å bruka huset.

– Det kan til dømes vera til føremiddagstreff og nabotreff. Me får no eit nytt byggefelt rett over vegen. Det kan bli spanande. Elles kan det vera aktuelt å leiga ut lokalet, seier Heie.

Han peiker på prosjektoren i taket i kjellarstova, og forklarar at rommet kan brukast til ulike typar samlingar.

– I fleire år har stova også vore brukt til ungdomslokale. Kanskje kan det igjen bli aktuelt med barne- og ungdomsarbeid, spør han.


Har fått inn midlar før

Også tidlegare har bedehuset bede om støtte til oppussing.

– Då fekk me inn midlar frå folk som ikkje er i bedehusmiljøet. Me må vera litt opne. Det hadde vore kjempebra om friske hender og tankar kunne bidrege. Me ynskjer å skapa eit miljø og eit fellesskap, seier han.

– Tidlegare har me fått inn støtta me trong, og meir til, forklarar Heie.

I fyrste etasje av bedehuset, som er frå 1908, ligg ein møtesal, som har vore pussa opp nokre gongar.

– Den har vore leigd ut til bursdagar og minnesamver, i tillegg til møte og basarar, forklarar Heie.


Siste saker Gå til framsida

Har du oversikt over kva du eig?

Ei undersøking gjennomført av Ipsos for Gjensidige viser at det berre er 25 prosent av hordalendingane som har dokumentert verdiane i heimen sin. Det kan by på unødvendige utfordringar i forsikringsoppgjeret, dersom du skulle bli råka av til dømes brann eller tjuveri. – Skjer det ein totalskade ved brann, er det nærmast umogleg å klara å hugsa alt ein har hatt av ting. Det same kan vera...

På plass som bibliotekvikar

Med biblioteksjefen ute i permisjon, er det Nicoline Leonhard Drageset som styrer biblioteket fram til midten av april.

Leiar: Kva skjedde med jordmordebatten?

– Eg visste at det har vore utfordringar med oppseiingar og sjukemeldingar. Når desse blir samanfallande, blir ein sårbar. Skulle me koma opp i ein liknande situasjon seinare, må me sjå til at me har gode nok retningsliner.Dette sa ordførar Kåre Martin Kleppe til «Tysnes» i juli, etter at