ILLUSTRASJONSFOTO: Kipe laga av Jens Epland (1879-1974) som «oldefarsgåve» på 1960-talet.
ILLUSTRASJONSFOTO: Kipe laga av Jens Epland (1879-1974) som «oldefarsgåve» på 1960-talet.

Lesarbrev: Kipa på avfallsdunken

Publisert 04.11.2017 kl. 18.00.

Var nyleg innom Tysnes miljøsentral i Eredalen. I boksen for «trevirke» stod det ei stor, fin kipe på toppen av bordbitar, halvrotne stolpar og kasserte møblar.

Eg er så gammal at eg har vore med å pitla poteter oppi kiper, og sett bestefar min laga kiper.

Med denne kulturhistoriske bakgrunnen, fann eg det rett å seia frå til ein av dei tilsette på miljøstasjonen at der låg ei fin kipe på dungen – ein ting som ikkje burde kastast. Han fann ei stong med krok, fekk tak i kipa og tok vare på henne! Så er det nokon som vil ha ei kipe som minne om den gamle gardskulturen på Tysnes, så kontakt miljøstasjonen.

Kiper var i bruk på alle gardar før i tida. (Viser til boka Det norske bildet – Knut Knudsens fotgrafier 1864-1900 s. 62-66, med fleire bilete frå Tysnes der kipa er i bruk. Viser og til boka KIPA – ein trufast tenar til alle tider frå Askøy Husflidslag.


Harry Solberg


Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...