ILLUSTRASJONSFOTO: Biletet viser kor mykje vatn det kan vera i vegen på Beltestad. Bilen på biletet har ikkje  noko med hendinga sist fredag å gjera. (Foto: Kåre Torbjørnsen)
ILLUSTRASJONSFOTO: Biletet viser kor mykje vatn det kan vera i vegen på Beltestad. Bilen på biletet har ikkje noko med hendinga sist fredag å gjera. (Foto: Kåre Torbjørnsen)

Lesarbrev: HAV – hensyn, aktsom, varsom

Publisert 06.11.2017 kl. 06.00. Oppdatert kl. 08.34.

Då eg tok sertifikat for bil for mange år sidan, lærte køyrelæraren min meg ein huskeregel for å minnast den viktigaste paragrafen i vegtrafikklova. Huskeregelen var HAV. Paragrafen det her er sikta til pålegg alle trafikanter å: visa hensyn, vera aktsom og varsom når vi er i trafikk på veg. Om alle hadde respektert og følgt denne paragrafen, ville statistikk over trafikkskader på materiell og levande, ha gått mot null. Men slik er det ikkje. Å koma fort fram synest for enkelte å vera den viktigaste regelen i all trafikk.

Han fekk brått merka dette son min som sist fredag kom med familien sin i bil frå Våge til Reksteren. På Beltestad (ved Hovdanes) er der eit lågt parti på vegen som vert fylt med vatn straks det regnar litt ekstra. Son min køyrde forsiktig over «havet», godt ut i høgre sida. Idet dette skjer, ser han i spegelen ein annan bil koma bak han. Denne bilisten hadde ikkje tid til korkje å køyra bak son min eller venta til «havet» var passert. Med stor fart køyrer han ut til venstre, rett ut i «havet» og passerer son min medan vass-spruten står til himmels. Son min og familien vart mest sjokkskada. Hadde eit vindu på venstre side vore ope, så treng vi ikkje spekulera i kva som ville ha skjedd. Bilen som hadde det så travelt, var ein Toyota Land cruiser. Son min køyrde etter han til Flygansværkrysset. Der svinga son min mot høgre for å køyra til Haukafær og Torsheim.

Til deg som kanskje kjenner han som køyrde denne Toyotaen sist fredag i 13-14-tida, kan du helsa han frå meg og seia at slik køyring er sterkt uønskt av oss som likar trygg trafikk.

Kåre Torbjørnsen


Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...