BORTE: Båten er ei 10 meter lang treskøyte kalla «Fram», med merkenummeret H-97-S. (Foto: Hovudredningssentralen i Sør-Norge)
BORTE: Båten er ei 10 meter lang treskøyte kalla «Fram», med merkenummeret H-97-S. (Foto: Hovudredningssentralen i Sør-Norge)

Tom Fagerland (58) er sakna til sjøs - søket er innstilt

Ein stordabu i 50-åra er sakna, etter at han reiste til Florø for å frakta heim ein ny båt.
Publisert 11.11.2017 kl. 18.12. Oppdatert 12.11.2017 kl. 14.28.

Søndag innstiller politiet og hovudredningssentralen søket etter den sakna mannen, melder Stord 24. Manglande tips i saka, samt den lange tida sidan førre sikre observasjon av båten, gjer at søket er innstilt.

Store styrker leita laurdag etter den forsvunne båten. Åtte fartøy, to fly og eit helikopter var då sett inn i søket etter 58 år gamle Tom Fagerland.


Etterlyser stordabu

Laurdag opplyste politiet i ei presemelding at det er Tom Fagerland (58) som er sakna. Han er ca. 178 cm høg, har blå auge, raudt hår som dekker øyra, og fleire tatoveringar på armar, hender og overkropp.

Då han forsvann skal han ha hatt på seg mørk jakke, fleirfarga skjorte, svart dongeribukse og sixpence.

Hovudredningssentralen melde båten sakna onsdag.

Mannen, som er heimehøyrande på Stord, har ikkje gitt lyd i frå seg sidan han var i Florø, for over ei veke sidan.


Ønskjer fleire tips

Sunnhordland melde fredag at den siste sikre observasjonen av stordabuen og båten, var i Askvoll i Sogn og Fjordane torsdag i førre veke.

Politiet har også motteke observasjonar av båten i nærleik av Sotrabrua søndag. Difor har politiet grunn til å tru at mannen og båten er ein stad mellom Bergen og Stord, skriv avisa.

Hovudredningssentralen i Sør-Norge skriv på si twitter-side fredag at skøyta enno ikkje er funnen, og at politiet ønskjer tips om moglege observasjonar.

Fredag ettermiddag trappa redningssentralen opp søket, og hadde sett inn fartøy til å søkja i området frå Stord og aktuelle seilingsleier opp mot Sotrabrua, skriv BT.

Om nokon har sett Fagerland, eller båten, ønskjer politet tips på telefon 02800.


Siste saker Gå til framsida

– Me leitar etter det skjulte potensialet i elevane

– We are the world, we are the children!Ungdommane syng av full hals frå scenen i musikkavdelinga ved Tysnes skule. Med blikket mot dei og ein gitar på kneet, står lærar Arne Kleppe og syng med. Tre veker er att til det tradisjonsrike juleshowet i Vonheim, og ideane som har mognast i haust byrjar å bli testa ut. – Me har ein del program og mange idear, men me er ikkje heilt...

No lyser dei opp i mørket

– Viss eg ikkje har refleks kan bilane køyra på meg, forklarar Askild (5) frå Stjerneresio barnehage til «Tysnes».