KURS I SURDEIGSBAKING: I midten med bollen kurshaldar Sabine Henlin-Strømme. Til venstre Marianne Jordal, bak Lise Myklebust og til høgre Kristina Hovland. (Foto: Privat)
KURS I SURDEIGSBAKING: I midten med bollen kurshaldar Sabine Henlin-Strømme. Til venstre Marianne Jordal, bak Lise Myklebust og til høgre Kristina Hovland. (Foto: Privat)

Lærte om surdeigsbaking på bakekurs

Ti lokale damer var samla på kveldskurs på skule- kjøkenet på Onarheim skule nyleg for å læra om surdeigsbaking.
Publisert 11.11.2017 kl. 06.00.

Det var Sabine Henlin-Strømme frå Fana som arrangerte kurset saman med Lucianne Rijpkema. Sistnemnde driv den lokale osteverksemda Tveitakjerring, medan Sabine Henlin-Strømme bur i Fana der ho både driv med kurs i surdeigsbaking og driv eit mikrobakeri.

Sabine kjem eigentleg frå Frankrike, men har dei siste ti-elleve åra vore busett i Norge.


Elskar geitost

– Som fransk person elskar eg fersk geitost. Det var slik eg kom i kontakt med Lucianne og Tveitakjerring, fortel ho.

Og kontakten med Tysnes har ho fått som feriegjest i Godøysund, der familien til mannen hennar har hytte.

– Lucianne var interessert i å læra korleis ein bakar med surdeig. Ho klarte å samla ein del personar, mellom anna frå Årbakka og Nymark, fortel Henlin-Strømme.

Onarheim skule vart kursstad sidan det var høve til å leiga skulekjøkenet der.

På ein kurskveld på tre timar fekk dei ti damene læra å baka brød med ein kultur som heiter surdeig.


Langtidsprosjekt

– Denne kulturen dannar kolsyre og hevar brødet. Det tek langt tid å heva bakverk på denne måten, sidan ein berre brukar mjøl, vatn og salt, forklarar ho.

Kursdeltakarane tok difor den blanda deigen med seg heim for å steika den dagen etter.


Siste saker Gå til framsida

– Me leitar etter det skjulte potensialet i elevane

– We are the world, we are the children!Ungdommane syng av full hals frå scenen i musikkavdelinga ved Tysnes skule. Med blikket mot dei og ein gitar på kneet, står lærar Arne Kleppe og syng med. Tre veker er att til det tradisjonsrike juleshowet i Vonheim, og ideane som har mognast i haust byrjar å bli testa ut. – Me har ein del program og mange idear, men me er ikkje heilt...

No lyser dei opp i mørket

– Viss eg ikkje har refleks kan bilane køyra på meg, forklarar Askild (5) frå Stjerneresio barnehage til «Tysnes».