SKAPTE ENGASJEMENT: På "Om Eg Var Deg" nynna publikum på Mandelhuset med på refrenget - med stort engasjement.
SKAPTE ENGASJEMENT: På "Om Eg Var Deg" nynna publikum på Mandelhuset med på refrenget - med stort engasjement.

Sigrid Moldestad skapte stemning på Mandelhuset

Sigrid Moldestad og band samla nesten full kyrkje på Onarheim under Tysnesfest i fjor sommar. I kveld, laurdag, fekk ho æra av å halda den fyrste intimkonserten på Mandelhuset etter nyopninga i sommar. Mange Moldestad-fans hadde møtt fram.
Publisert 12.11.2017 kl. 06.00.

– Eg forelska meg i Sigrid Moldestad og musikken hennar under Tall Ships Races for tre år sidan, og seinare under konserten hennar i Onarheim kyrkje. Så no er draumedama her. Velkomen Sigrid Moldestad, opna Patrick Madsen då han ynskte musikaren velkomen til Tysnes på ny. Denne gongen til Mandelhuset.

– Det er utruleg kjekt å koma hit igjen, fortalde artisten i det ho hadde entra scenen framme i lokalet, i lag med dei tre musikarane i bandet hennar, og stemte i med «Himlen har sove bort mørkret».

Fleire av låtane som følgde var tekstar av Jan Magnus Bruheim, som til dømes «Å kjæraste» frå «Brevet til kjærleiken» som Sigrid Moldestad har skrive musikken til.

Les meir frå konserten i papirutgåva av «Tysnes» komande torsdag.

Ole Skaten

ole@tysnesbladet.no


PÅ MANDELHUSET: Sigrid Moldestad med band. T.v. bak Moldestad, Sigbjørn Apeland frå Bergen, i midten Jørgen Sandvik frå Stord og til høgre Roald Kaldestad frå Stord.
PÅ MANDELHUSET: Sigrid Moldestad med band. T.v. bak Moldestad, Sigbjørn Apeland frå Bergen, i midten Jørgen Sandvik frå Stord og til høgre Roald Kaldestad frå Stord.

Siste saker Gå til framsida

– Me leitar etter det skjulte potensialet i elevane

– We are the world, we are the children!Ungdommane syng av full hals frå scenen i musikkavdelinga ved Tysnes skule. Med blikket mot dei og ein gitar på kneet, står lærar Arne Kleppe og syng med. Tre veker er att til det tradisjonsrike juleshowet i Vonheim, og ideane som har mognast i haust byrjar å bli testa ut. – Me har ein del program og mange idear, men me er ikkje heilt...

No lyser dei opp i mørket

– Viss eg ikkje har refleks kan bilane køyra på meg, forklarar Askild (5) frå Stjerneresio barnehage til «Tysnes».