KLAR FOR STJERNENE: Petra Sløgedal og andre unge handballspelarar skal sjå landslaget i aksjon. (Arkivfoto: Ingunn Gjærde)
KLAR FOR STJERNENE: Petra Sløgedal og andre unge handballspelarar skal sjå landslaget i aksjon. (Arkivfoto: Ingunn Gjærde)

Får sjå forbilda på landslaget

Handballspelarane på Tysnes skal vera tilskodarar på Møbelringen Cup i Bergen.
Publisert 13.11.2017 kl. 06.00. Oppdatert kl. 13.50.

– Me har kjøpt inn 50 billettar som skal vera til dei som spelar handball på Tysnes, forklarar hjelpetrenar Terje Sløgedal.

Det er i slutten av november at cupen der handballandslaget konkurrerer mot andre landslag går av stablen i Sotra Arena.


For dei eldste

I år er det Noreg, Sør-Korea, Ungarn og Russland som skal spela mot kvarandre.

Sløgedal forklarar at det er dei eldste handballspelarane som får reisa til Sotra.

– Det er damelaget, gutelaget og nokre av jentelaga som blir med på turen. Det blir litt fyrste mann til mølla, forklarar han.


Leiger eigen buss

Sløgedal seier dei har kjøpt inn billettane for å finna på noko sosialt saman.

– Det er kjekt å sjå handball på toppnivå. Me gjorde det same for sju-åtte år sidan. Det er ikkje alltid Møbelringen Cup er i Bergen, men me var der sist det var det, seier han.

– Me har leigd inn ein buss for å køyra samla, fortel Sløgedal.


Siste saker Gå til framsida

Leiar: Ja til lokal utdanningsmesse

I ei rekkje år hadde Tysnes si eiga yrkes- og utdanningsmesse. No tek lokalpolitikar og Sp-representant Inge Malkenes til orde for at Tysnes på ny bør få ei lokal utdanningsmesse. Det er eit veldig bra, og ikkje minst viktig initiativ.Det er over fem år sidan det sist vart skipa til ei lokal yrkes- og...

Saltebil utfor på glatta

Ein saltebil ute på oppdrag for å salta hamna utfor vegen ved Flakkavåg i sju-halv åtte-tida måndag morgon.