DELTOK: Jonas Hagen-Lunde (frå venstre), Brede Røssland, Tobias Dalen Hagen og Theodor Meland fekk prøva seg på sonesamling. (Foto: Ronny Hagen)
DELTOK: Jonas Hagen-Lunde (frå venstre), Brede Røssland, Tobias Dalen Hagen og Theodor Meland fekk prøva seg på sonesamling. (Foto: Ronny Hagen)

Kjempar om å koma på kretslaget

Desse fire har fått vera med på sonesamling i Kvinnherad og på Stord den siste veka.
Publisert 15.11.2017 kl. 19.38.

– Dei ivrige gutane har vore gjennom fem økter med trening og fotballkampar på Stord, fått nye fotballkameratar og erfaringar, seier trenar for Njardar/Tysnes gutar 12, Ronny Hagen.


Har kvalitetar

Det var 75 gutar og nesten like mange jenter som var med på sonetreninga. Av desse blir 20 plukka ut for å prøva seg mot andre soner i Hordaland, og til slutt blir det danna eit kretslag for fylket.

– Dei som var med frå Tysnes har sine kvalitetar, og er dei på gutar 12 som har trena mest med lag med eldre spelarar. Men eg trenar også andre spelarar som har andre kvalitetar, og som kan prøva seg på sonesamling seinare, seier han.


Jamt nivå

Det er vanskeleg å seia om nokon av dei går vidare, meiner han.

– Nivået er jamt, men det var nokre spelarar frå Kvinnherad og Stord som utmerka seg. Å få vera med på kretslaget er eit lite nålauga, som skal treffa dei som brukar all tid på fotball, seier Hagen.

Trenarane som skal plukka ut spelarane skal danna seg eit bilete om kven dei ynskjer å trena, og då ser dei gjerne etter det vetle ekstra, fortel Hagen.

– For meg som trenar er det også kjekt å vera med og sjå på dei beste spelarane i Sunnhordaland, og oppdaga at våre beste ikkje er langt frå dei, seier han.


Siste saker Gå til framsida

Leiar: Ein viktig folkefest for lokalsamfunnet

Tysnesfest 2018 kan gå inn soga som ein av dei beste. Dermed har Tysnesfest lagt eit godt grunnlag for den populære sommarfestivalen. For det er ikkje tvil om at denne folkefesten er viktig for lokalsamfunnet.Publikumsrekorden for 2017 vil bli ståande, i alle fall i eitt år til. I fjor hadde ein over 32.000 på dei ulike arrangementa. I jubileumsåret 2016 var det over 27.000. Såleis er...

Brødristar tok fyr

Fredag føremiddag rykte brannvesenet ut til Peralio, der det hadde byrja å brenna i ein brødristar.