GOD STEMNING: Det var god stemning då styret i bygdalaget inviterte til jubileumsfest i OnarTun laurdag kveld.
GOD STEMNING: Det var god stemning då styret i bygdalaget inviterte til jubileumsfest i OnarTun laurdag kveld.

Over hundre feira 20-års jubileet til Onarheim bygdalag

Over hundre personar frå nær og fjern hadde funne vegen til OnarTun då Onarheim bygdalag feira 20-års jubileum laurdag kveld.
Publisert 19.11.2017 kl. 20.10. Oppdatert kl. 20.34.

– Bygdalaget skal vera med å skapa liv og røre i bygda. Me skal vera sosiale og me skal få ting til å skje. Det synest eg me er flinke til, seier leiar Heidi Røssland i til «Tysnes» i ein pause under festsamkoma.

Jubileumsfesten laurdag var fyrst og fremst eit sosialt samlingspunkt for eit bygdalag med visjonar om at det skal skje ei vidare positiv utvikling av Onarheimsbygda. Til stades var både bygdelagsmedlemer og andre med ulik tilknyting til bygda.

Ved dei dekka festborda fann ein engasjerte medlemer som hadde vore medlemer i laget i alle år, og yngre representantar som meinte bygdelaget er viktig for bygda.

På programmet stod både alvor og humor, historikk og framtidsvyer, varm mat og festkaker.

I papiravisa på torsdag kan du lesa meir frå jubileumsfesten.


Siste saker Gå til framsida

Kors, vaflar og fotball-VM på Solstråleøya

– Det var ein nydeleg vêrdag, med fin temperatur. Me fekk flott skyss frå Våge i Mor Di, skøyta til Patrick Madsen.Dette seier Hans Ole Dalland, om friluftsgudstenesta på Solstråleøya søndag.Vidare kan han fortelja at nokre av deltakarane kom roande frå Lunde – og nokre kom verkeleg langvegsfrå:– Eit ektepar frå Minnesota var på Tysnesferie, og fekk oppleva den flotte...

Sluttar som drosjesjåfør

– Eg har tenkt lenge på dette, fortel Elin Borgen.Det er ikkje vanskeleg å skjøna at dei fleste kjenner den sympatiske drosjesjåføren. Over halvparten av bilistane som passerer, vinkar til Borgen, i det ho møter «Tysnes» langs vegen i Uggdal.