FØRJULSKONSERT: Tysnes Kammerkor lovar eit variert program når dei skipar til konsert i Tysnes kyrkje neste søndag. (Arkivfoto)
FØRJULSKONSERT: Tysnes Kammerkor lovar eit variert program når dei skipar til konsert i Tysnes kyrkje neste søndag. (Arkivfoto)

Kammerkoret vil få deg i julestemning

Søndag 26. november inviterer Tysnes Kammerkor til førjulskonsert i Tysnes kyrkje.
Publisert 19.11.2017 kl. 12.00.

– I ei travel førjulstid treng folk av og til å roa ned og berre lytta, freistar korleiar Ingunn Myklebust.

Ho fortel at koret sitt songutval denne gongen er delt opp i tre bolkar.

– Den fyrste er voggesongar (også kalla bånsullar) etterfylgt av ei rekkje ulike «Spirituals»/Gospelsongar. I siste bolken vert det julesongar til å ta med seg inn i adventstida.

Og koret stiller ikkje berre med eigne songkrefter på konserten – dei har også fått med seg unge og lovande Elise Sørhus Dalen og Louise Vermedal Lunde. Dei skal syngja til pianoakkompagnement.

– Og så kjem den flinke trommeslagaren Henrik Epland på ein liten gjestevisitt og akkompagnerer oss på «The Little Drummer Boy», sjølv om han ikkje lenger er liten, fortel korleiaren med glimt i auga.

I alt er det om lag 20 ulike songar som skal framførast, og det vil vera heile ni ulike solosongarar/solistar i sving.

– Det er med andre ord eit variert og spennande program me inviterer til denne gongen også, avsluttar Myklebust.


Siste saker Gå til framsida

Hjort sprang på bil

Natt til søndag fekk ein hjort eit ublidt møte med ein forbipasserande bil på Heggland.

Tre gravferdsdagar i Tysnes

I ei rekkje år har det vore ei fast ordning i Tysnes med tysdagar og fredagar som faste gravferdsdagar.No er dette endra til tysdag, torsdag og fredag.– Bakgrunnen er at me ikkje ynskjer to gravferder på fredagar. Med to vanlege gravferder må dei som er gravarar stå overtid, og det ynskjer me ikkje fredag ettermiddag, informerte kyrkjeverje Marianne Storetvedt på møtet i...