TOPP INNSATS: Pernilla E. Epland var uslåeleg blant kvinnene då ho deltok i 10 km under Karmøy Maraton i helga. Her spring ho ved sidan av  Johannes Thomsen (Haugesund IL).   (Foto: Raymond Ebbesvik)
TOPP INNSATS: Pernilla E. Epland var uslåeleg blant kvinnene då ho deltok i 10 km under Karmøy Maraton i helga. Her spring ho ved sidan av Johannes Thomsen (Haugesund IL). (Foto: Raymond Ebbesvik)

Avslutta sesongen med stil

Pernilla E. Epland var suverent best blant kvinnene i 10 km under Karmøy Maraton på laurdag.
Publisert 20.11.2017 kl. 13.43. Oppdatert kl. 14.16.

Tysnesjenta var spådd som favoritt på førehand, og leverte til forventningane. Med tida 34.49 kom ho fyrst i mål blant dei 31 fullførande kvinnene i løpet – nesten fem minutt før Vilde Våge Henriksen på 2. plass. Ny pers vart det også.

– Eg er strålande fornøgd med ny pers, trur det blei ei forbetring på 17 sekund, seier ho til nettstaden Kondis.no.

Ho fortel at ho var ganske spent på førehand på korleis beina skulle vera, sidan ho følte seg tung, og i tillegg hadde vore litt forkjøla etter Cross Nationals i Danmark sist helg.

– Det var ganske tungt oppover mot vending med motvind. Eg såg på klokka og konstaterte at dette ikkje var nokon rekordfart. Men etter vending og med vinden i ryggen gjekk det betre. Eg hadde også krefter igjen sidan eg hadde halde litt igjen på fyrste delen, seier ho til nettstaden.

Gateløpet på Karmøy gjekk i år føre seg i skikkeleg ruskete vestlandsvêr, med både regn, vind og hagl.

I tillegg til 10 km som Pernilla deltok i, vart det også konkurrrert i maraton og halvmaraton.



KONSENTRERTE: Her held tysnesjenta tritt med nokre av gutane. (Foto: Einar Søndeland)
KONSENTRERTE: Her held tysnesjenta tritt med nokre av gutane. (Foto: Einar Søndeland)
KOM I MÅL ALEINE: Sigeren smaka nok ekstra godt etter ti harde kilometer i ruskevêr. (Foto: Nils Hetleflåt)
KOM I MÅL ALEINE: Sigeren smaka nok ekstra godt etter ti harde kilometer i ruskevêr. (Foto: Nils Hetleflåt)

Siste saker Gå til framsida

– Eldre bør trena styrke

Eldre kan bli like sterke som 20-åringar, viser forskning. Me har snakka med tre godt vaksne tysnesingar som har fått stort utbytte av styrketrening dei siste åra.

Lesarbrev: Omsorg, skule, barnehage, pengar og slikt…

Me har nett før jul landa eit einstemmig budsjett i Tysnes kommunestyre. Diskusjonen fram mot vedtak gjekk føre seg i sømelege former, og det kom ikkje til store sverdslag. Det eit godt teikn at me som syslar med lokalpolitikk er einige i ei slik viktig sak. Me har lagt investeringsplanar som kommunestyret stort sett er einige om, og driftsbudsjettet er lagt fram og vedtatt utan stort...

Lensmannen dansa på sjukeheimen

Songgruppa «Fjordablæst» underheldt på sjukeheimen laurdag ettermiddag, og det var svært populært både blant dei som bur der og besøkjande.