SOLID INNSATS: Kristin van der Meeren (nærmast) scora sju fine mål for Tysnes i kampen mot Salhus. (Foto: Terje Sløgedal)
SOLID INNSATS: Kristin van der Meeren (nærmast) scora sju fine mål for Tysnes i kampen mot Salhus. (Foto: Terje Sløgedal)

Briljerte på bortebane

Stillinga vart 16-30 då Tysnes IL sine 5. divisjonsdamer møtte Salhus på laurdag.
Publisert 21.11.2017 kl. 14.21.

– Denne kampen starta med ei klar leiing til Tysnes, før me vart henta inn igjen. Men me klarte 10-13 til pause, fortel hjelpetrenar Terje Sløgedal.

I andre omgang vart det mykje skot på stolpe, keeper og i veggen før laget i dei siste 15 minutta sette inn ein enorm sluttspurt. Tysnesingane viste eit tempo som heimelaget ikkje hadde sjanse til å matcha. – Me har mange spelarar som vert merkbart tøffare både i angrep og forsvar frå kamp til kamp. Dei unge 16-åringane gjer stadig framsteg, og det er kjekt å sjå, rosar Sløgedal.

Kristin van der Meeren og Thea Sløgedal scorar jamt og trutt.

– Og Linn Bergesen på strek gjer ein enorm jobb i forsvar og angrep, sluttar trenaren.

Med to sigrar og to tap denne hausten plasserer Tysnes seg for tida på 6. plass på tabellen. Ifølgje terminlista speler dei sin siste kamp i år 17. desember, også denne på bortebane. Då er det Kjøkkelvik/Mathopen 2 (på 8. plass) som skal få bryna seg.

Desse var med: Kristin van der Meeren (7), Signe Pettersen Opdal (3), Celine Vevatne Lunde, Maria Lillesletten Hagen (1), Linn Bergesen (3), Ingeborg Flakke, Eline Teigland Bakke, Silje Lunde, Thea Sløgedal (10), Sara Reimdal Vee (1), Martine Siglevik Lunde (3), Norunn Ebbesvik, Julie Bakke (1) og Lene Rønning Sævartveit (1)


Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...