KLIPTE: Kåre Martin Kleppe hadde det ærefulle oppdraget med å opna omsorgssenteret.
KLIPTE: Kåre Martin Kleppe hadde det ærefulle oppdraget med å opna omsorgssenteret.

Historisk dag på Tysnes

Framfor ein stappfull storsal opna ein festkledd ordførar omsorgssenteret i Uggdal.
Publisert 22.11.2017 kl. 18.56.

– Eg er stolt over å få opna det nye omsorgssenteret, og spent på korleis me vil ta det i bruk, sa ordførar Kåre Martin Kleppe (H).

Folk flokka til Uggdal onsdag ettermiddag, for å få ein kikk på det nye omsorgssenteret.

– Det er blitt så lyst og triveleg her. Eg kunne nesten vore klar til å flytta inn, seier Sigmund Høviskeland, med eit stort smil.

Det er ingen tvil om at dei som får bu og vera på Tysnes sitt nye omsorgssenter er heldige.


Innflyttingsklart

Eit topp moderne bygg står klar til bruk.

– Utsikta har mykje å seia, og den er jo veldig fin, seier Lise Flatråker.

Anna Aarbakke Hovdenes er heilt einig. Ho hugsar tilbake på då ho var med å flytta inn i den nye sjukeheimen på 80-talet. Dei nye lokala på omsorgssenteret er endå finare, synest ho.

Dagsenteret for demente har allereie tjuvstarta innflyttinga, og 1. desember skal dei først bebuarane flytta inn.


Gledens dag

Det er ein stolt prosjektleiar som vandrar rundt i gangane på omsorgssenteret og viser rundt.

– Eg trur folk synest det er fint, seier Haakon Haaland.

Han ser fram til når folk skal flytta inn 1. desember, og det blir meir liv i det store bygget.

Både store og små fekk med seg opninga. Herman Lunde Klemmetsby (7), Hedvig Lunde Klemmetsby (9), Aurora Fjeldet Sunde og Anna Olea Fjeldet Sunde testa ut trimsykkelen på treningsrommet.

Dei unge tysnesingane var imponerte over det store bygget, og trudde dei gamle kjem til å få det godt på omsorgssenteret.

– Det var veldig fint her, kommenterte Anna Olea Fjeldet Sunde.


Treng meir parkering

Ordførar Kåre Martin Kleppe hadde bestilt inn rikeleg med kake, og då klokka var blitt seks var det nesten ikkje meir kake igjen.

Ved kakefatet var Kåre Haugland. Han sikra seg eit stykke av den gode marsipankaka.

– Bygget er heilt fantastisk, skryt han.

Men Haugland skulle gjerne likt å sjå at det var fleire parkeringsplassar rundt bygget.

Fleire hundre var innom på opningsdagen onsdag ettermiddag.


Ti år sidan det starta

Mykje arbeid ligg bak det flotte nye omsorgssenteret.

Det heile starta for ti år sidan, i 2007.

Helge Hauge, Kjetil Hestad og Kåre Martin Kleppe har alle vore ordførarar under prosessen.

– Tysnes omsorgssenter er utan tvil Tysnes kommune sitt største prosjekt nokon gong, sa Kleppe til dei frammøtte.

Det har krevd mykje av kommunen både før bygginga starta, og undervegs i byggjeprosessen.

Ordføraren nytta høvet til å takka alle dei som har vore med og bidratt. Skanska har stått for oppføring av det flotte bygget.

Omsorgssenteret skal romma 30 institusjonsplassar og ti omsorgsbustadar.

Både før og etter snorklipping og talar, fekk folk gå rundt og kikka og gjera seg kjend i dei nye lokala.

– Kjempefint, var eit ord som gjekk mykje igjen.


KAKEGLAD: Kåre Haugland fekk seg eitt kakestykke før opninga.
KAKEGLAD: Kåre Haugland fekk seg eitt kakestykke før opninga.
FINE ROM: Lise Flatråker (f.v.), Anna Aarbakke Hovdenes og Sigmund Høviskeland syntest dei nye lokale var blitt både lyse og fine.
FINE ROM: Lise Flatråker (f.v.), Anna Aarbakke Hovdenes og Sigmund Høviskeland syntest dei nye lokale var blitt både lyse og fine.
TESTING: Aurora Fjeldet Sunde (6) og Herman Lunde Klemmetsby (7) tok ein testrunde på treningsutstyret.
TESTING: Aurora Fjeldet Sunde (6) og Herman Lunde Klemmetsby (7) tok ein testrunde på treningsutstyret.
FULLT: Nokre måtte stå heilt ute på gongen då omsorgssenteret blei opna. Om lag 200 personar fekk plass rundt borda i storsalen.
FULLT: Nokre måtte stå heilt ute på gongen då omsorgssenteret blei opna. Om lag 200 personar fekk plass rundt borda i storsalen.
SKILT: Mange tysnesingar fann vegen til Uggdal i det sure vêret.
SKILT: Mange tysnesingar fann vegen til Uggdal i det sure vêret.

Siste saker Gå til framsida

Den einaste bollebasaren i verda

To gonger i året blir det skipa til bollebasar på Jensvoll. Styreleiaren for Jensvoll bedehus trur dei har den einaste bollebasaren i heile verda.

Saknar du sofaputa di?

Denne grøne puta blei tysdag føremiddag observert einsam og forlaten i vegbanen på Onarheimsfjellet. Designet er ikkje siste skrik, så den førebelse teorien er at puta kan ha vore ein del av eit tilhengjarlass, på veg mot den sikre død i Eredalen. Men om nokon likevel skulle sakna puta, kan den hentast hos «Tysnes» i Teiglandsvegen 5. Enn så lenge har den fått ein ny sjanse.

Startar prosessen med grunnkjøp til ny barnehage

Kommunestyret har tidlegare vedtatt å byggja ny barnehage på Onarheim. Totalt sett er kostnadsramma på 36,6 millionar kroner, og allereie neste år har kommunen sett av over 13 millionar kroner til prosjektet i investeringsbudsjettet.I år er det også sett av litt midlar for å koma i gang med prosjektet, og i førre kommunestyremøtet diskuterte politikarane grunnkjøp. Politikarane gjekk...