SEL HEIMELAGA: Florence Straume fortel at det er mykje forskjellig å kjøpa på julemessa. Julepynten ho viser fram er derimot privat, og ikkje høve til å kjøpa.
SEL HEIMELAGA: Florence Straume fortel at det er mykje forskjellig å kjøpa på julemessa. Julepynten ho viser fram er derimot privat, og ikkje høve til å kjøpa.

Ni nye utstillarar på julemessa i Lunde

– Det er kjekt å få visa fram det me har laga, seier Florence Straume.
Publisert 23.11.2017 kl. 18.00.

Saman med Monica Hoff Utne, Hilde Hagen, Jorunn Økland, Silje Epland Hansen og Siv Heidi Schulstad arrangerer ho tradisjonen tru julemesse i lokala til Lunde barnehage fyrstkommande helg.

– Det blir mykje spanande å finna der i år, seier ho.

– Me kjem til å selja tøy me har strikka, til dømes luer, ullsokkar, skjerf, genserar og saueskinnsprodukt, fortel Straume.


Ullfuglar og mus

Dei fem damene sel også heimelaga julepynt. Straume ramsar opp heimelaga nissar, englar, ullmus, keramikk, veggtepper, løparar, kort, God Jul-skilt og tuppervarer blant det som blir stilt ut.

– I tillegg kjem Dalland Gard for å selja kjøt, seier ho.

Sjølv skal Straume ha med seg smykke og øyredobbar som ho har plukka ut på bruktmarknadar i Canada, og hudpleieprodukt frå Mary Key.

– Me skipar til kafe med sal av kaffi, vårrullar og kaker, opplyser Straume.


Sjuande året

Tidlegare har Straume vore ansvarleg for julemesse i ungdomshuset i Våge saman med Malin Tvedt. Samstundes var ho med og arrangerte julemessa til Petroleum womens club (PWC).

Det er sjuande gong julemessa i Lunde blir arrangert. I år er det ni nye utstillarar som skal vera med. Til saman blir det 26 standar og 29 utstillarar.

– Nokre av dei som stiller ut på julemessa i Lunde har halde på med dette lenge, medan andre stiller berre ut denne eine gongen, seier Straume.


Mykje å ordna

Og det er mykje som må ordnast før arrangementet på laurdag. Damene som skal selja produkta sine kjem saman kvelden før, og ordnar i stand i lokala i barnehagen.

– Det er koseleg å treffa dei andre utstillarane år etter år, og å få julehandelen litt i gong, seier ho.

Straume minner om at dei som kjem må hugsa at der ikkje er kortterminal på julmessa, og at folk må ta med kontantar.


Siste saker Gå til framsida

Forventar ein kjekk konsert

– Julekonserten er ein årleg tradisjon. Onarheim Musikklag har hatt den så lenge eg har spelt med dei, for å seia det sånn, fortel Magne Storesætre.