Osternes mannskor gler seg til å syngja i kulturkyrkja på Onarheim i kveld.
Osternes mannskor gler seg til å syngja i kulturkyrkja på Onarheim i kveld.

Osternes mannskor til kulturkyrkja

I kveld kjem Osternes mannskor til kulturkyrkja på Onarheim for å halda konsert.
Publisert 23.11.2017 kl. 10.56. Oppdatert kl. 10.59.

Her skal tysnesingane få høyra religiøse folketonar frå Vestlandet, samla inn av folkeminnesamlaren Olav Sande frå Kaupanger.

Osternes mannskor vart stifta i 1934. I starten omfatta det berre folk frå Osternes krins, men no har dei med songarar frå heile kommunen.

– Me er totalt 25 songarar, med Ole Chr. Ottestad som dirigent og Svein Tørnquist som pianist og arrangør. Det er også han som har arrangert songane me skal syngja på denne konserten, fortel formann Karvel Strømme.

Tidlegare har koret framført programmet i kyrkjer på Fitjar, Stord, Etne, Bømlo og Austevoll.

– Og no gler me oss til å syngja i Onarheim kyrkje, seier Strømme, som før konserten skal sjekka ut kva OnarTun har å by på, saman med koret.


Siste saker Gå til framsida

Markerer TV-aksjonen med fredagskafé

Tysnes skule gjentek suksessen frå i fjor og markerer også i år TV-aksjonen med fredagskafé fredag føremiddag. I fjor var det tett i tett med folk og trangt om plassen i den gamle gymsalen på skulen. I år vert arrangementet flytta til Tysneshallen. – Der blir det kafé og underhaldning for alle som ynskjer å koma, melder inspektør Synnøve Vines til avisa.

Skal arrangera opplæringsjakt på Tysnes

Tysnes Jakt- og Fiskelag skal til helga arrangera opplæringsjakt.– Me er så heldige at me har fått tak i opplæringsterreng her på øya, og me er også så heldige at me skal arrangera opplæringsjakt i regi av Norges Jeger- og Fiskerforbund, fortel leiar i Tysnes Jakt- og Fiskelag, Bjarte Erstad.Fredag kveld er sett av til informasjon. Sjølve jakta vil føregå laurdag og søndag. Det...