HØYRER MED: Det blir ikkje ordentleg julegateopning i Lunde utan stjerneskot. Her ventar Mia Helvik (11) på nissen.
HØYRER MED: Det blir ikkje ordentleg julegateopning i Lunde utan stjerneskot. Her ventar Mia Helvik (11) på nissen.

Lunde: Stjerneskot for «alle penga»

Julegateopninga i Lunde vart akkurat like koseleg som ho plar vera.
Publisert 24.11.2017 kl. 21.10. Oppdatert kl. 23.02.

Og medan regnet pøsa ned i strie straumar i fjor, var det heldigvis ingen problem å tenna på stjerneskota i år.


Viktig med nissebesøk

Fredag kveld møtte mange titals små og store personar opp i boblejakkar for å med seg den tradisjonelle julegateopninga i Lunde, som starta med flotte tonar frå Tysnes skulekorps.

Utanfor Bunnpris svinsa glade born rundt med stjerneskot i handa medan dei venta på nissen.

– Her på julegateopninga møter eg mange kjente, og det store poenget er jo at nissen kjem, smiler Mia Helvik (11) til lokalavisa.

– Håpar du på noko spesielt i godteposen?

– Hmm, det blir nok ein klementin som vanleg, men sikkert litt sjokolade også, seier jenta frå Malkenes.


Fyldige godteposar

Ho håpar at nissen dukkar opp snart.

– Pappa har is i bilen, så me får vel køyra heim så snart nissen har vore her, fortel ho humoristisk.

Og borna treng heldigvis ikkje venta lenga, for like etterpå dukkar nissen opp mellom varehyllene på butikken. Ein etter ein får borna servert ein ganske så fyldig godtepose, og dermed er den siste og viktigaste suksessfaktoren for ei julegateopning på plass.

Laurdag blir det meir julestemning i bygda. Då er nemleg kring 30 utstillarar klare for julemesse i gymsalen i Lunde barnehage.




MED NISSEHUER: Ei gruppe frå Tysnes skulekorps sytte for flott julemusikk. Dei fekk spela inne i varmen på Bunnpris.
MED NISSEHUER: Ei gruppe frå Tysnes skulekorps sytte for flott julemusikk. Dei fekk spela inne i varmen på Bunnpris.
MOR OG DOTTER: Josefine Ludvigsen (3 1/2) og Juliette Hansen Schmidt lagar ljos i novembermørket.
MOR OG DOTTER: Josefine Ludvigsen (3 1/2) og Juliette Hansen Schmidt lagar ljos i novembermørket.
FOLKSAMT: Julegateopninga plar alltid vera ei populær tilskiping i Lunde.
FOLKSAMT: Julegateopninga plar alltid vera ei populær tilskiping i Lunde.
ENDELEG: Og til slutt kom mannen alle hadde venta på. Nissen hadde heldigvis ein stor sekk med seg, og nok godteposar til alle borna i Lunde.
ENDELEG: Og til slutt kom mannen alle hadde venta på. Nissen hadde heldigvis ein stor sekk med seg, og nok godteposar til alle borna i Lunde.
STOR STAS: Abigail Gebreab (3 1/2) er nøgd etter møtet med nissefar.
STOR STAS: Abigail Gebreab (3 1/2) er nøgd etter møtet med nissefar.

Siste saker Gå til framsida

Hjort sprang på bil

Natt til søndag fekk ein hjort eit ublidt møte med ein forbipasserande bil på Heggland.

Tre gravferdsdagar i Tysnes

I ei rekkje år har det vore ei fast ordning i Tysnes med tysdagar og fredagar som faste gravferdsdagar.No er dette endra til tysdag, torsdag og fredag.– Bakgrunnen er at me ikkje ynskjer to gravferder på fredagar. Med to vanlege gravferder må dei som er gravarar stå overtid, og det ynskjer me ikkje fredag ettermiddag, informerte kyrkjeverje Marianne Storetvedt på møtet i...