DELTE UT: Hennika (5) fekk ny refleksvest då ho vitja Lunde barnehage.
DELTE UT: Hennika (5) fekk ny refleksvest då ho vitja Lunde barnehage.

No lyser dei opp i mørket

– Viss eg ikkje har refleks kan bilane køyra på meg, forklarar Askild (5) frå Stjerneresio barnehage til «Tysnes».
Publisert 24.11.2017 kl. 14.00.

Saman med barnehagen sin har han teke turen til Lunde barnehage.

Måndag føremiddag er nemleg alle barnehageborna på Tysnes samla for å få nye refleksvestar. Borna frå Stjernereiso får rosa refleksvest, borna frå Lunde får grøn refleksvest, Onarheimsborna får oransje refleksvest og borna i Vågsmarka får gul refleksvest.

– Refleksvestane er fine, kommenterer Hennika (5), som går i Vågsmarka barnehage.


Tok initiativ

Det er Mailinn Helland Hagen tilsett i Lunde barnehage, som har fiksa refleksvest til barnehageborna på Tysnes.

– Å skaffa nye refleksvestar vart diskutert på eit personalmøte. Me tenkte at det hadde vore kjekt om dei ulike barnehagane hadde ulike fargar på vestane. Me ville også ha namn på barnehagen og telefonnummeret på dei, forklarar ho.Helland Hagen synest det var viktig at refleksvestane ikkje var for store, men akkurat passeleg størrelse, slik at det var greitt gå på tur med dei på.– Det var ein liten jobb å finna ut kva merke me ville ha, men til slutt fann me ut av det. Dei vaksne fekk eigne vestar, seier Helland Hagen.


Delte ut vestar

– Kor er det gøyast å gå tur, spurde Karoline Dalen, økonomisjef i Tysnes Sparebank.

Banken har sponsa vestane, og ho snakka litt med borna før ho delte ut vestane.

– Skogen! ropte borna tilbake.

– Når ein skal gå tur i skogen må ein ofte gå på vegen, og då kan det koma bilar. Difor er det viktig med refleksvest, forklarte ho.

Deretter ropte Dalen opp namna på alle borna, som fekk kvar sin refleksvest.


– Viktig å vera synleg

I forkant av utdelinga sa Dalen til «Tysnes» at det var viktig å sponsa borna på Tysnes, fordi dei er framtida.

– Og så er det bra at borna er synlege, meinte Torill Drange, som jobbar på kundesenteret i Tysnes Sparebank.

– Me er ein lokalbank, og det er kjekt å gje noko att til samfunnet, understreka ho.


ULIKE FARGAR: Alle borna som går i barnehage på Tysnes fekk kvar sin refleksvest. Dei ulike fargane markerer kva barnehage dei tilhøyrer.
ULIKE FARGAR: Alle borna som går i barnehage på Tysnes fekk kvar sin refleksvest. Dei ulike fargane markerer kva barnehage dei tilhøyrer.

Siste saker Gå til framsida

Debatt: El-bilar og betaling på innanriksferjer

Til å byrja med, var el-bilar fritekne for betaling på riks- og fylkesvegferjer. Ein løyste då berre billett for føraren av bilen. Dette vart det ei endring på i 2016/2017.Då vart det vedteke at el-bilar skulle betala for seg på lik linje med andre bilistar. Men dei skulle berre betala 50 prosent av vanleg biltakst. Og då var føraren inkludert i prisen. Men dei som brukte...