SYNG JULETONAR: Sidan jula er rett rundt hjørnet, kunne Tysnes Soul Children by på varme juletonar.
SYNG JULETONAR: Sidan jula er rett rundt hjørnet, kunne Tysnes Soul Children by på varme juletonar.

Syng førjulstida inn

Tradisjon tru var det laurdag føremiddag duka for årets førjulsmesse i Tysnes bedehus.
Publisert 26.11.2017 kl. 17.05. Oppdatert kl. 18.23.

På programmet kunne ein venta seg song frå Tysnes Soul Children og elevar frå kulturskulen, i tillegg til både basar og sal av ulike varer og heimebakst.

Då klokka tikka 11, starta Harald Heie med å ynskja alle velkommen.

– Dette er 23. gongen me arrangerer førjulsmessa, noko som eg er stolt over at me har fått til, sa Harald før han gav scena vidare til koret.


Vakre tonar

Tysnes Soul Children var først ut blant artistane som stod på programmet. Trass i at songarane var småforkjøla, hadde ikkje publikum noko å klaga over då dei fekk høyra vakker julesong. Her var det ikkje vanskeleg å kjenna på julestemninga. Soul Children opptredde fleire gonger i løpet av dagen. I tillegg til dei, var det og mogleg å høyra elevar frå kulturskulen opptre.


Klar for jul

To av jentene i Tysnes Soul Children er Anette Christiansen og Malin Dalland. Jentene er svært glade i å syngja, og har vore med i Tysnes Soul Children sidan starten. Over jul har dei plana om å byrja i Soul Teens i Bergen, noko som dei ser fram til. Men aller fyrst er det jula som står på planen,

– For at eg skal få julestemning må det vere snø til stades, seier Anette, og Malin nikkar einig.

Begge er einige i at denne messa bidreg til å få opp julestemninga,

– Alle er så glade, og stemninga er svært god her, seier Malin.

Jentene har vore med på å opptre på førjulsmessa tidlegare år, og synest det er svært kjekt å få vera med.


Underhaldande dag

Mange gleda seg til å høyra Svein Bjarne Aase holda andakt. Her fekk publikum både høyre preike og ta del i song.

– Det er kjekt å komma tilbake her, eg har mange gode minne frå Tysnes, fortalde Svein til publikum.

Då andakta var ferdig, var det tid for åresal. Etter eit par rundar med loddtrekning, var det mogleg å kjøpe ulike bakstevarer, strikketøy, mat og diverse.

Dagen var ein stor suksess med eit godt program, og det såg ut til at både store og små hadde det kjekt.


HELDT ANDAKT: Mange hadde gledd seg til å høyra Svein Bjarne Aase halda andakt.
HELDT ANDAKT: Mange hadde gledd seg til å høyra Svein Bjarne Aase halda andakt.
FULL SAL: Oppmøtet var ikkje noko å klaga på under årets førjulsmesse.
FULL SAL: Oppmøtet var ikkje noko å klaga på under årets førjulsmesse.
GLAD I Å SYNGJA: Både Anette Christiansen (14) og Malin Dalland (14) elskar å syngja, og har gjort det i mange år.
GLAD I Å SYNGJA: Både Anette Christiansen (14) og Malin Dalland (14) elskar å syngja, og har gjort det i mange år.
MANGE MOGLEGHEITER: På messa var det mogleg å kjøpa både strikketøy, bakevarer, bøker og mat, som friviljuge hadde stelt i stand.
MANGE MOGLEGHEITER: På messa var det mogleg å kjøpa både strikketøy, bakevarer, bøker og mat, som friviljuge hadde stelt i stand.

Siste saker Gå til framsida

Ny singel frå Symra

– Me skal sleppa ein låt som heiter «Purple Sweater». Det er den nyaste av dei låtane me har spelt inn så langt, seier Øyvind Kleppe i Symra.