PÅ MESSE FOR FYRSTE GONG: Anine Roscher-Nielsen deltok på julemessa for fyrste gong. – Det er kjekt å få syna fram det ein lager, smiler ho.
PÅ MESSE FOR FYRSTE GONG: Anine Roscher-Nielsen deltok på julemessa for fyrste gong. – Det er kjekt å få syna fram det ein lager, smiler ho.

Variert handverk på julemesse i Lunde

Folk stod i kø då julemessa i Lunde opna dørene laurdag.
Publisert 26.11.2017 kl. 12.00.

Messa vart arrangert for sjuande gong, og medan nokre har vore med frå starten, var det fyrste gongen for andre.

– Eg har alltid vore kreativ, og likt å laga ting, smiler Anine Roscher-Nielsen. Laurdag synte ho fram flotte barneklede og anna ho hadde laga, på julemessa i Lunde.


Kjekt å syna fram

I gymsalen og «storastovo» i det som no er barnehagen i Lunde, var det 26 standar. Her kunne ein finna alt mogeleg, frå nissar, julekaker og pynt, til bilete, klede og velværeprodukt. Allereie frå messa opna klokka ti, stod liten og stor klare for å sikra seg flott handverk.

– Eg har vore med fleire år tidlegare, og er attende også i år. Det er kjekt å syna fram det ein lagar, samstundes som det er kjekt å sjå kva andre lagar, og finna inspirasjon frå det, fortel Anette Lekven Ellefseth frå Os.

Ho har drive med ulikt handverk lenge, og på messa har ho teke med seg mykje forskjellig. – Eg likar måling og scrapbooking særleg godt, smiler ho, og peikar på nokre av verka sine.


Keramikk frå Stord

Nokre standar bortanfor står Liv Nyborg og Johanne Gram Langeland bak eit bord, fylt med ulike keramikk-produkt. Dei hadde reist frå Stord for å delta på messa i Lunde.

– Me plar av og til delta på messer, men det er fyrste gongen me er på Tysnes.

Damene møtes kvar fjortande dag i ein klubb, der dei arbeider med nye keramikk-produkt. Bak kvar figur ligg mykje arbeid. – Men det er kjekt å halda på med. Me trur og det er viktig å fornya seg litt på julemessene, nikkar dei einig.


Blide arrangørar

Jorunn Økland og Monica Hoff Utne var blant arrangørane av messa, og begge var godt nøgde med dagen.

– Ja, dette var berre positivt, strålar damene, og siktar til mykje folk, mange utstillarar og variert innhald.

Dei understrekar at julemessa er eit innslag som passar for heile øya, og for alle aldrar. Utstillarane i år kom både frå øya og utanfor.


VIKTIG Å FORNYA SEG: Liv Nyborg og Johanne Gram Langeland synte fram keramikk-produkt på messa.
VIKTIG Å FORNYA SEG: Liv Nyborg og Johanne Gram Langeland synte fram keramikk-produkt på messa.
MYKJE ARBEID BAK: Keramikk-figurane er ikkje snare å laga, det ligg mykje arbeid bak, avslører Liv Nyborg og Johanne Gram Langeland.
MYKJE ARBEID BAK: Keramikk-figurane er ikkje snare å laga, det ligg mykje arbeid bak, avslører Liv Nyborg og Johanne Gram Langeland.
GØY PÅ JULEMESSE: Anette Lekven Ellefseth hadde teke turen frå Os for å delta på julemessa i Lunde.
GØY PÅ JULEMESSE: Anette Lekven Ellefseth hadde teke turen frå Os for å delta på julemessa i Lunde.
ULLPRODUKT: Medarrangør Jorunn Økland hadde med seg skinn, tøflar og puter av saueull på messa i Lunde.
ULLPRODUKT: Medarrangør Jorunn Økland hadde med seg skinn, tøflar og puter av saueull på messa i Lunde.

Siste saker Gå til framsida

Ådnastegen lokkar to- og firbeinte til fjells

Stølen på Ådnastegen har vore brukt i lange tider. Enno ligg der åtte små sel og to noko større hytter. Juniane Vevatne Lunde (32) gjekk dit ofte som liten, og no fører ho og mannen Matthias Tønnessen tradisjonen vidare med borna sine.