NY DØDSULUKKE: Lensmann Lorentz Lunde måtte natt til måndag rykka ut til den andre dødsulukka i distriktet i haust. (Foto: Ingunn Gjærde)
NY DØDSULUKKE: Lensmann Lorentz Lunde måtte natt til måndag rykka ut til den andre dødsulukka i distriktet i haust. (Foto: Ingunn Gjærde)

Mann (23) omkom i trafikkulukke ved Lukksund

Bilen han køyrde trefte veggen i Stussvikhovdatunnelen, og livet stod ikkje til å redda.
Publisert 27.11.2017 kl. 12.49. Oppdatert kl. 13.54.

Meldinga om ulukka kom inn klokka 03:22 natt til måndag. Då hadde ein annan bilist kome til ulukkesstaden og varsla naudetatane.

– Ein har ikkje grunn til å tru at farta har vore høg, og mannen var ikkje fastklemt, fortel Lorentz Lunde, lensmann i Fusa og Tysnes lensmannsdistrikt. Mannen i 20-åra omkom likevel på staden.

LES OGSÅ: Bil i tunnelveggen ved Lukksund.


– Uforklarleg

– Det er ikkje noko bremsespor, lite skadar på bilen, men det er ei dødsulukke, seier Lunde.

Bilen har ikkje vore borti tunnelveggen fleire stader enn der ulukka skjedde. Det var heller ikkje glatt på staden.

– Dette er litt uforklarleg, seier lensmannen.


Gjennopplivingsforsøk

Både lokalt helsepersonell og luftambulansen prøvde å gjenoppliva mannen, men til lita nytte.

Alle naudetatar blei varsla då ulukka skjedde.

– Politipatruljen fekk meldinga klokka 03:25, seier Lunde.

Lensmannen fortel at politiet har hatt eit oppsummeringsmøte med sitt mannskap etter den dramatiske ulukka.


Varslar familien

– Varslinga av pårøraande pågår, skriv Vest politiditrikt i ei pressemelding måndag ettermiddag.

Mannen er ikkje busett på Tysnes.

Politiet har oppretta sak og granskar ulukka.


Siste saker Gå til framsida

Pernilla sette ny pers

Fredag sprang Pernilla Eugenie Epland 3000 meter på Tyrvinglekene på Nadderud. Tida 9,30,84 gav ho 4. plass, og ei forbetring av den personlege rekorden hennar med 2,5 sekund.– Løpet var greitt, det var mykje vind på Nadderud, men eg fekk meg ei «klynge» å springa i, fortel Pernilla til «Tysnes». Etter kvart gjekk det litt seint, og ho ville forbi. Då måtte ho nesten ut i bane 3...

Fire Hordfast-alternativ på anbod

Måndag lyste Statens vegvesen ut anbod for planlegging av ny bru på E39 over Bjørnafjorden. To selskap skal få jobben med å parallelt sjå på fire alternativ for ei ny flytebru. Alternativa er: 1. Flytebru i boge, berre forankra på land på begge sider. 2. Flytebru i boge forankra på begge sider, men med forankringar som kan aktiverast ved katastrofe. 3. Rettlina flytebru...