STARTA FIRMA: Erling Borgen i Njord Aqua AS deler gjerne av sine eigne erfaringar når han kjem til gründersamlinga i Våge i morgon. (Foto: Atheno)
STARTA FIRMA: Erling Borgen i Njord Aqua AS deler gjerne av sine eigne erfaringar når han kjem til gründersamlinga i Våge i morgon. (Foto: Atheno)

Gründerar deler erfaringar på ny samling

Å starte eigen bedrift kan vera både spennande og utfordrande. På gründersamlinga i Våge på tysdag får ein høyra andre sine erfaringar og hausta nyttige tips.
Publisert 27.11.2017 kl. 12.45. Oppdatert kl. 13.20.

Samlinga vert arrangert i 2. høgda i Våge senter, og målsetjinga er å leggja til rette for og motivera til nyetableringar.

– Med oss på tysdag vert blant anna ein av dei to gründerane i Njord Aqua AS, Erling Borgen, som er eit lokalt firma som har arbeidd målretta og hardt for å bli ein føretrekt leverandør av undervasstenester, fortel rådgjevar i Atheno, Ole Jacob Eide.

Med på samlinga vert også ordførar Kåre Martin Kleppe og gründer i Fraktportalen AS, Kenneth Aasheim.

– Både Borgen og Aasheim har gjort seg erfaringar om korleis det er å koma inn på krevjande marknadar med stor konkurranse, og begge har vore del av Atheno Inkubator dei to siste åra, fortel inkubatorleiar i Atheno, Kjetil Djuve.

Som del av samlinga vil det bli formidla informasjon om kva det betyr å vera del av ein inkubator. Det vil også bli høve til open diskusjon mellom gründerane, og dei som kjem og er nysgjerrige på det å starta eigen verksemd.


Siste saker Gå til framsida

Stormen er her: Tre over vegen i Uggdal

SISTE: Fleire trevelt på Tysnes seint onsdag kveld. Eit trevelt stengjer vegen Uggdal-Onarheim i 21.15-tida.Tidlegare onsdag kveld sperra eit stort tre fylkesvegen nederst i Uggdalsdalen.

Onsdag kveld: Våge-Halhjem innstilt

Grunna kraftig vind er MF Selbjørnsfjord innstilt frå og med 20.25-avgangen frå Våge. Dette melder FosenNamsons Sjø i ei trafikkmelding onsdag kveld. Det er førebels ikkje meldt om at stormen skapar trøbbel på Hodnanes-Jektevik-sambandet.