KOLLISJON: Ulukkesbilen køyrde rett inn i tunnelveggen. (Foto: Ingunn Gjærde)
KOLLISJON: Ulukkesbilen køyrde rett inn i tunnelveggen. (Foto: Ingunn Gjærde)

Bil i tunnelveggen ved Lukksund

Natt til måndag var det ei alvorleg trafikkulukke i Stussvikhovdatunnelen.
Publisert 27.11.2017 kl. 07.44. Oppdatert kl. 17.24.

Klokka 03.22 fekk politiet melding om at ein bil hadde køyrd i tunnelveggen.

Føraren, ein mann i 20-30-åra, er frakta bort i luftambulanse.Politiet melde først at mannen var kritisk skadd.

LES OGSÅ: Mann (23) omkom i trafikkulukke ved Lukksund.


Mot Tysnes

Bilen køyrde i retning Tysnes, men lensmann Lorentz Lunde opplyste at mannen ikkje er busett på øya.

– Det var ein forbipasserande som melde frå om hendinga. Når ulukka skjedde kan me førbels ikkje seia noko om, seier han.

Stussvikhovdatunnelen ligg like ved Lukksund bru, i Kvinnherad kommune.


Ikkje fastklemt

Mannen var ikkje fastklemt etter ulukka, seier operasjonsleiar Frode Kolltveit i Vest politiditrikt til Bergens Tidende.

Til BA fortel operasjonsleiar Terje Magnussen at airbagen blei utløyst, men bilen skal ikkje ha halde veldig høg fart.

– Bilen fekk ikkje store materielle skader, seier Lorentz Lunde til Tysnes på staden.

Bilen har treft tunnelveggen like ved tunnelopninga som er nærmast Lukksundbrua.


Ukjend årsak

Klokka 09.00 var Trafikkulukkesgruppa til Statens vegvesen på staden og utfører undersøkingar. Lensmannen fortel at desse vert kalla ut ved trafikkulukker der det er alvorleg personskade.

Klokka 06.30 var det igangsett manuell dirigering på staden. Bilen som hadde kollidert stod framleis i det eine køyrefeltet i nitida.

No er vegen open som normalt.

Lensmann Lunde opplyser at det er for tidleg å seia noko om årsaka til ulukka.


ALVORLEG ULUKKE: Lensmann Lorentz Lunde kunne konstatera at personbilen ikkje fekk så store materielle skadar i den alvorlege trafikkulukka. (Foto: Ingunn Gjærde)
ALVORLEG ULUKKE: Lensmann Lorentz Lunde kunne konstatera at personbilen ikkje fekk så store materielle skadar i den alvorlege trafikkulukka. (Foto: Ingunn Gjærde)
LANG KØ: Det var manuell dirigering ved ulukkestaden i 09.00-tida måndag morgon. (Foto: Ingunn Gjærde)
LANG KØ: Det var manuell dirigering ved ulukkestaden i 09.00-tida måndag morgon. (Foto: Ingunn Gjærde)

Siste saker Gå til framsida

På gamleheimen

At gamleheimen skulle koma til å hamna på Hovland, hadde mest med tilfeldige omstende å gjera. Det vart i alle høve slik at Tysnes Gamleheimslag overtok den staselege gamle doktorbustaden som vart bygd av distriktslege Gjestland, som fekk skøyte i 1880. Her sette han opp ein bustad som ikkje stod tilbake for dei gamle patrisiarhusa som rikfolk i Bergen gjerne bygde som «lyststeder» utanfor...

Fylket seier nei til Hordfastaksjar

Hordaland fylkesting seier nei til kjøp av aksjar i Hordfast no. Fylkestinget vil ta stilling til aksjekjøp når ei utgreiing om fylkeskommunen si deltaking i pådrivarselskap ligg føre.Vedtaket i fylkestinget vart gjort mot fem røyster (SV, MGD og Raudt). Desse partia ville saman med Tom Sverre Tomren i KrF seia eit klart nei til fylkeskommunalt aksjekjøp i Hordfast AS.Høgre kom...