Lyste opp i Nuen

Det var eit storstilt skue som møtte forbipasserande, då Deepsea Atlantic seig gjennom Langenuen tysdag morgon.
Publisert 28.11.2017 kl. 13.05. Oppdatert 30.11.2017 kl. 23.10.

– Det var veldig flott å sjå riggen. Himmelen var så fin i det sola heldt på å stå opp, seier Eivind Dalland.

Sonen Joachim Dalland (37) jobbar om bord på boreriggen. Der jobbar han med boring, som derrickmann. Eivind hadde teke turen for å sjå på riggen i det han passerte nordover gjennom Langenuen.

Det var ein stolt far som foreviga augneblinken med mobilkameraet frå ein haldeplass nær Hodnanes.


Bra med arbeid

Riggen kjem frå arbeid på Johan Sverdrup-feltet. Arbeidet der blei ferdig 15 månadar før tida, og no skal boreriggen vidare på nye oppdrag.

Den store boreriggen gjekk for eigen maskin, og heldt ein fart på 5,9 knop gjennom Langenuen.

Sjølv om det har vore tøffe tider i oljebransjen, har sonen Joachim hatt bra med arbeid heile tida i Odfjell Drilling, fortel far Eivind Dalland.

Når Statoil no ønskjer å nytta riggen til nye oppdrag, går ferda forbi heimstaden Tysnes.


Testing

Deepsea Atlantic skal vera ein av verdas største og mest effektive boreriggar, og kan bora ned til 3000 meter på vassdjup. Riggen skal no liggja nokre dagar i Bjørnafjorden for testing.

– Me blir her eit par dagar før me skal ut Korsfjorden og vidare til boring på Vikingbanken, opplyser skipper Kåre Kvalvaag til Midtsiden.

Vikingbanken ligg 118 kilometer vest for Øygarden. Der skal Deepsea Atlantic bora ein brønn kalla Tune Statfjord.


PLATTFORM: Deepsea Atlantic gjekk for eigen masking i 5,9 knop gjennom Langenuen. (ALLE FOTO OG VIDEO: Camilla Korsnes)
PLATTFORM: Deepsea Atlantic gjekk for eigen masking i 5,9 knop gjennom Langenuen. (ALLE FOTO OG VIDEO: Camilla Korsnes)
STOLT FAR: Eivind Dalland sørgde for å foreviga då boreriggen sonen jobbar på køyrde forbi Tysnes.
STOLT FAR: Eivind Dalland sørgde for å foreviga då boreriggen sonen jobbar på køyrde forbi Tysnes.
FLOTT SKUE: Her passerer Deepsea Atlantic fjellet Kattnakken på Stord.
FLOTT SKUE: Her passerer Deepsea Atlantic fjellet Kattnakken på Stord.

Siste saker Gå til framsida

REKO-ring også i Sunnhordland

I februar i fjor skreiv «Tysnes» om den relativt nye distribusjonskanalen REKO-ring, der lokale matprodusentar kan leggja ut produkt for sal i Facebook-grupper, og enkelt knytta kontakt med kundar i til dømes bergensområdet. Tysnesbøndene Irene Dalland, Lucianne Rijpkema og Nynke van Schaik har vore...

Klart for nyttårsshow neste veke

I fjor blei juleshowet til 10.-klasse ved Tysnes skule utsett til over nyttår. No er det snart klart for show.Torsdag 31. januar og fredag 1. februar er det duka for nyttårsshow i Vonheim i Våge.Førehandssal av billettar vil finna stad på Joker Uggdal, Joker Onarheim, Bunnpris Lunde og Tysnes Blomster & Interiør.Fredag 1. februar kan ein berre kjøpa billettar hos...