VIL MED I BKK: Styreleiar Audun Magnussen i Tysnes Kraftlag vil selja kraftlaget til storebror BKK. (Arkivfoto)
VIL MED I BKK: Styreleiar Audun Magnussen i Tysnes Kraftlag vil selja kraftlaget til storebror BKK. (Arkivfoto)

Tysnes Kraftlag satsar på BKK

Styret i Tysnes Kraftlag vedtok måndag samrøystes å forhandla vidare med BKK om å selja kraftlaget i byte mot eigardel i BKK.
Publisert 28.11.2017 kl. 12.53. Oppdatert kl. 13.26.

Tidlegare har kraftlaget også forhandla med Haugaland Kraft. Men no er det klart at dei satsar på å bli einige med BKK om sal, seier styreformann i Tysnes Kraftlag, Audun Magnussen.

– Ja, me var einige om at BKK har det beste tilbodet totalt sett. Det som er konkret og lett å sjå er at nettleiga for kundar på Tysnes vil bli lågast dersom me sel oss til BKK. Men det er også fire andre punkt som har vore viktige i vurderinga vår når me no går for BKK. Det gjeld forsyningstryggleik og beredskap på Tysnes, ivareta og vidareutvikla opparbeidde verdiar og arbeidsplassar og medverka til positiv utvikling av Tysnes-samfunnet, seier styreleiaren.


Verdivurdering

Når Tysnes Kraftlag no skal forhandla vidare med BKK, startar dei med å få vurdert verdiane i selskapet. Den største verdiposten til Tysnes Kraftlag er aksjane i SKL, som no er verd opp rundt 250-300 millionar kroner. Styret i kraftlaget satsar på at dei etter eit eventuelt sal til BKK vil ha eit nytt aksjeselskap, Tysnes Kraftlag AS. Dette selskapet skal ha eigardel i BKK og få utbyte tilsvarande utbytet som Tysnes Kraftlag har hatt frå SKL-aksjane.

– Me satsar på å ha klar ein intensjonsavtale med BKK om sal innan to månader, seier Audun Magnussen.


Arbeidarane

Odd Arild Langeland er vald av dei tilsette til å representera dei i styret. Han er sjølv med i el- og it-forbundet.

– Føler de dykk trygge på at de får halda på arbeidsplassane på Tysnes etter eit eventuelt sal?

– Ja, me har tru på det at me klarer å halda på arbeidsplassane.


Regjeringa står bak

Odd Arild Langeland innser at det blir dyrt å stå att aleine som kraftlag.

– Regjeringa legg opp til at det må vera stordrift, og då blir me pressa til å gå saman med andre.


Siste saker Gå til framsida

Lesarbrev: Bør trø til for slitne orgel

Pensjonert organist Terje Haugom i Bjørgvin har i vår hatt ein runde og sjekka tre orgel i Tysnes prestegjeld. I «Tysnes» 2. mai hadde han ei vurdering og oppsummering av orgeltilstanden. Orgelet i Reksteren kyrkje hadde han ikkje sjekka. Haugom sin konklusjon var følgjande: «Det er et begredelig faktum at...

Leiar: Tysnes Kraftlag er eit historisk namn som bør vidareførast

Tysnes Kraftlag er eit gamalt og godt innarbeidd namn så vel i lokalsamfunnet som utanfor kommunen sine grenser. I over 70 år har Tysnes Kraftlag eksistert som straumleverandør og netteigar på Tysnes. No har selskapet gått inn i ein ny epoke. Spørsmålet som no har meldt seg, er om selskapet bør skifta namn. Det bør det ikkje.Det var ei skikkeleg storhending som skjedde på Tysnes den...