PROTOTYPE: Eirik Kalve (t.h.) ønskte ikkje å avsløra korleis podtellet ser ut på innsida endå. Her er han i samtale med ein nysgjerrig Øystein Vaage på kaien i Våge.
PROTOTYPE: Eirik Kalve (t.h.) ønskte ikkje å avsløra korleis podtellet ser ut på innsida endå. Her er han i samtale med ein nysgjerrig Øystein Vaage på kaien i Våge.

Prototype direkte frå Asia

Onsdag ettermiddag dukka Eirik Kalve opp i Våge, saman med ein oransje og blå container.
Publisert 29.11.2017 kl. 16.41.

Logoen PodTown står i store bokstavar på utsida. Det er berre nokre veker sidan gründer Eirik Kalve frå Austevoll presenterte idéen sin om mobil overnatting på Mandelhuset.

Han ønskjer å leiga ut mobile overnattingsbustadar i containerar til festivalar og arrangement.

– No har det første podtellet kome til Norge, fortel han stolt.

Containeren er kome direkte frå produsenten i Asia. Det finst berre éin av dei mobile overnattingscontainerane i heile verda, og det er prototypen som no står i Våge.

– Me skal ha ei lansering, og meir detaljar kjem seinare, seier Kalve.

Han ønskjer ikkje å avsløra korleis overnattingscontaineren ser ut inni endå, og dekka til containeren med ei presenning.

Festivalsjef for Tysnesfest Sigvard Madsen har tidlegare uttalt til «Tysnes» at ein jobba for å få til å leiga podtownar som overnatting under festivalen.

Sjølv om det står eit podtell i Våge no, er dei tilsette i Tysnesfest forsiktige med å gi fleire detaljar.

– Folk får venta og sjå, seier ein smilande Øystein Vaage, dagleg leiar i Tysnesfest.


Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...