KRITISERTE: Tysnesordførar Kåre Martin Kleppe håpar fylkesordførar Anne Gine Hestetun er meir positiv når Samarbeidsrådet for Sunnhordland skal ha nytt møte med ho 8. desember. (Foto: Hordaland fylkeskommune)
KRITISERTE: Tysnesordførar Kåre Martin Kleppe håpar fylkesordførar Anne Gine Hestetun er meir positiv når Samarbeidsrådet for Sunnhordland skal ha nytt møte med ho 8. desember. (Foto: Hordaland fylkeskommune)

Ordførar Kåre Martin Kleppe forarga på fylkesordføraren

Sist fredag var det felles formannskapsmøte for sunnhordlandskommunane. Samanslåing av Hordaland og Sogn og Fjordane var eitt tema.
Publisert 29.11.2017 kl. 15.49.

Representantar for alle kommunane, bortsett frå Kvinnherad, gav uttrykk for at dei var negative til samanslåinga. Bømlo-ordføraren meinte det burde gjerast meir for også å få med Rogaland i det nye vestlandsfylket. Ordførar Kåre Martin Kleppe i Tysnes forstår Bømlo.

– Ja, dei har mykje kontakt, mellom anna med naudetatar i nord-Rogaland medan leiinga for beredskap no skal liggja i Leikanger. Eg er redd for at den makta me kunne hatt på Vestlandet, med Bergen som motvekt til Oslo, blir pulverisert ved at makt blir spreidd.


Fylkesordføraren

Anne Gine Hestetun (AP) er fylkesordførar i Hordaland, og ho var med på møtet med dei mange formannskapa. Ordførar Kåre Mrtin Kleppe (H) mislikte sterkt hennar reaksjon.

– Ho kritiserte oss for berre å vera negative og kom med ein tirade om at me berre problematiserte. Ho kasta bort eit godt høve til å lytta til kva me hadde å seia. Eg håper ho er meir positiv når Samarbeidsrådet for Sunnhordland skal ha nytt møte med ho 8. desember.


Siste saker Gå til framsida

Pernilla sette ny pers

Fredag sprang Pernilla Eugenie Epland 3000 meter på Tyrvinglekene på Nadderud. Tida 9,30,84 gav ho 4. plass, og ei forbetring av den personlege rekorden hennar med 2,5 sekund.– Løpet var greitt, det var mykje vind på Nadderud, men eg fekk meg ei «klynge» å springa i, fortel Pernilla til «Tysnes». Etter kvart gjekk det litt seint, og ho ville forbi. Då måtte ho nesten ut i bane 3...

Fire Hordfast-alternativ på anbod

Måndag lyste Statens vegvesen ut anbod for planlegging av ny bru på E39 over Bjørnafjorden. To selskap skal få jobben med å parallelt sjå på fire alternativ for ei ny flytebru. Alternativa er: 1. Flytebru i boge, berre forankra på land på begge sider. 2. Flytebru i boge forankra på begge sider, men med forankringar som kan aktiverast ved katastrofe. 3. Rettlina flytebru...