FRAMLEIS LEIAR: Helge Hauge (t.v.) er attvald som leiar i Senterpartiet på Tysnes. Her saman med varaordførar på Tysnes, Kristin T. Gjerstad Kleppe og Sp-leiar Trygve Slagsvold Vedum i mars i fjor. (Arkivfoto)
FRAMLEIS LEIAR: Helge Hauge (t.v.) er attvald som leiar i Senterpartiet på Tysnes. Her saman med varaordførar på Tysnes, Kristin T. Gjerstad Kleppe og Sp-leiar Trygve Slagsvold Vedum i mars i fjor. (Arkivfoto)

Eit godt år for Senterpartiet

Publisert 01.12.2017 kl. 14.00.

Tysnes Senterparti har halde årsmøte og valt fylgjande styre:

Leiar Helge Hauge, attval. Nestleiar: Ole Christian Kjerrgård, ikkje på val. Kasserar: Inge Malkenes, Ikkje på val. Studieleiar: Synnøve Vines, attval. Styremedlem: Beate Storesætre, attval. Styremedlem: Yngve Vevatne, ikkje på val. Varamedlem: Grethe Barmen, attval. Varamedlem: Per Vermedal, ny.


Eit godt år

Helge Hauge fortel om eit godt år for Senterpartiet.

– Lokallaget har vore meir aktivt enn på lenge, og med korte linjer inn til Kjersti Toppe på Stortinget har lokale saker vorte følgde opp sentralt av Kjersti. Saka om politireforma og drosjeskyss til lege og sjukehus er døme på det.

Stortingsvalet gav ein framgong på 6,7 %, og noko som gjev gnist framføre lokalvalet i 2019.

– Medlemstalet er det same som i 2016, og aktivitetsplanen for 2018 legg opp til å verva fleire medlemmer før lokalvalet. Lokallaget vil også arbeida for å få til ei ungdomsgruppe i partiet. Alle medlemmene får mail med invitasjon til gruppemøte og medlemsmøte. Her er frammøtet bra, men det er plass til fleire. Alle saker som har kome føre politisk, har vore gjennom drøfting på desse gruppemøta.


Nye saker for tur

På årsmøtet orienterte varaordførar Kristin Kleppe og formannskapsmedlem Arne Leite om dei mest aktuelle sakene som var til handsaming i 2017, og vidare om dei sakene som vil koma til handsaming.

– Når no omsorgsenteret er opna, står utbygging på Tysnes skule for tur. Senterpartiet er opptekne av at me får ein god struktur på barnehage og skule i kommunen, sluttar Hauge.


Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...