KAN REDDA LIV: Vår lokale brannsjef Torfinn Kongsvik håpar flest mogleg vil bruka Røykvarslardagen til å testa og byta batteri på røykvarslarane. (Arkivfoto)
KAN REDDA LIV: Vår lokale brannsjef Torfinn Kongsvik håpar flest mogleg vil bruka Røykvarslardagen til å testa og byta batteri på røykvarslarane. (Arkivfoto)

– Bruk Røykvarslardagen til å byta batteri

I dag ynskjer brannvesenet at du sjekkar at alt står bra til med røykvarslarane dine.
Publisert 01.12.2017 kl. 08.00.

– I desember i fjor døydde det åtte nordmenn i brann i Norge. Det vil seia at det omkom ein person kvar fjerde dag. Bruk Røykvarslardagen 1. desember til å byta batteri og testa røykvarslarane dine, oppfordrar brannsjef i Tysnes, Torfinn Kongsvik.

Halvparten av alle dødsbrannar skjer i bustadar som ikkje har fungerande røykvarslarar.

– Når ein brann oppstår har du berre få minutt på deg til å koma deg ut av huset, seier brannsjefen i Tysnes.


Livsviktig

Alle bustader skal ha røykvarslarar eller brannalarmanlegg, og du må ha minst éin varslar i kvar etasje. Alarmen skal kunne høyrast tydeleg på opphaldsrom og soverom, også når døra mellom romma er lukka.

– Du bør dessutan kopla røykvarslarane saman, slik at alle varslarane pip samstundes ved brann. Dette kan gje deg verdifull tid til å evakuera, og dermed vera med på å redda deg og familien din, seier Kongsvik.

Røykvarslarar bør testast jamleg og når du har vore bortreist over lengre tid. Det er også ein fordel å støvsuga den jamleg. Det aukar levetida til varslaren.


Ekstra farleg månad

Kongsvik vil elles minna om at me no går inn i ei tid med mange brannfarar.

– Levande ljos, peiskos, bruk av komfyren og meir bruk av elektrisk utstyr utgjer ein ekstra risiko i jula, særleg i kombinasjon med inntak av alkohol.

Difor passar det bra at Røykvarslardagen er datert til nettopp den fyrste dagen i julemånaden. Dagen eit samarbeid mellom DSB, Norsk brannvernforening, Gjensidige, det lokale elektrisitetstilsynet og brann- og feiervesenet.

roykvarslerdagen.no finn ein nyttig informasjon om tiltak som betrar branntryggleiken.


Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...