KORTREIST: Helge Drange er oppteken av at utstillarane på kulturmarknaden har tilknyting til Tysnes.
KORTREIST: Helge Drange er oppteken av at utstillarane på kulturmarknaden har tilknyting til Tysnes.

Fullt hus på utvida julemarknad

– Det blei for liten plass, så me måtte flytta noko av utstillinga til låveloftet, forklarar Helge Drange, eigar av Kulturløo.
Publisert 02.12.2017 kl. 18.39. Oppdatert kl. 20.00.

På loftet på låven på Drange, som blei bygd på slutten av 1800-talet, er det sett opp bord med mellom anna strikkevottar, sokkar, sikledukar, ljos, julestrømper, såper og ost.

– Enormt med folk har kome innom i dag, stadfestar Drange, laurdag ettermiddag.

– I etasjen nede står fem utstillarar, og her oppe har familien, som kona mi og svigerdottera mi, i tillegg til Myrdal Gard, bidrege til julemarknaden, fortel han.


Lokalprodusert

At utstillarane kjem frå Tysnes, er eit krav for å få stilla ut i Kulturløa.

– Me ynskjer at det me sel, skal vera kortreist. Det er kjekt å sjå kva som finst av handverk på øya, seier Drange.

I fyrste etasje står Brit Godøy og snakkar med Gunvor Sundal Davidsen, som stillar ut keramikk frå Sigridstova.

– Eg har kjøpt ein engel. Eg likar godt englar, og har kjøpt av ho tidlegare, forklarar Godøy, som bur på Betlestad.

Ho fortel at det er fyrste gong ho er på julemarknad på Drange.

– Eg har kome for å sjå og handla litt, gå på kafé og treffa kjentfolk, forklarar Godøy.


- Frå barndomen

Utanom Davidsen frå Sigridstova, er Britt Kjellesvik Rage frå Dokkegalleriet, Inger Marie Sæverud som lagar havsmykke, Mona Amland som sel måleri, og Iren T. A. Færevaag som sel teikningar, utstillarar på Kulturløa.

Mannen til Brit Godøy, Tormod Godøy, er oppteken av dei gamle reiskapene som er stilt ut på låven. Samlinga er autentisk, og blei brukt på garden på Drange frå 1850 til 1950.

– Eg berre kikkar. Eg kjenner att mykje av dette frå barndomen. Eg er sjølv frå eit småbruk, forklarar han.


- Koseleg

I kaféen i kjellaren i Kulturløa, som blir kalla Ondahuset, sit Ida Marie Høviskeland og Eva Økland. Dei er der for fyrste gong denne laurdag ettermiddagen.

– Det er veldig spanande med dei gamle reiskapane. Eg hugsar noko av det frå eg var liten. Eg er nemleg oppvaksen på gard, fortel Økland, som bur i Lunde.

Begge fortel at dei er komen i julestemning den siste tida.

– Eg kjem i stemning når eg høyrer på julemusikk, ser julefilm og pyntar til jul, fortel Ida Marie

I kjellaren sit også naboane til Kulturløa, Hans Hvide, Geir Arne Veglo og Hilde Drange Veglo.

– Me har det kjempehyggjeleg her. Eg har mellom anna kjøpt eit saueskinn, forklarar Hilde.


Italiensk historie

I løpet av ettermiddagen samlar julemarknadgjestane seg i Ondahuset for å høyra forteljarkunstnar Anne Elisebeth Skogen fortelja Guds gjøglar, som er ei historie om livet til fattigguten Giovanni, som levde i Italia i middelalderen.


BUDDE PÅ GARD: Tormod Godøy kjenner att mange av reiskapane frå barndomen.
BUDDE PÅ GARD: Tormod Godøy kjenner att mange av reiskapane frå barndomen.
NABOAR: Hans Hvide, Geir Arne Veglo og Hilde Drange Veglo bur rett ved Kulturløa.
NABOAR: Hans Hvide, Geir Arne Veglo og Hilde Drange Veglo bur rett ved Kulturløa.

Siste saker Gå til framsida

Vann skulepris frå Leger uten grenser

Ingeborg Eide, Malin Nerhus og Madelene Hauge frå Hatlestrand oppvekstsenter blei fylkesvinnarar ved å synleggjera den gløymde krisa om at titusenar av kvinner døyr av utrygg abort.

Lesarbrev: Til søknad om oppdrettsanlegg ved Toneset, Vernøy

I bladet Tysnes den 30.11.17 skreiv Ingunn Gjærde ei sak om tareproduksjon i RexStar sine lokale på Reksteren. Her opplyser Harald Sveier frå Lerøy Vest AS at Lerøy ønskjer å starta med taredyrking i sjø i Tysnes. Blant lokalbefolkninga blei det i sommar protestar mot planane på Toneset på Reksteren, sjølv om kommunen var positiv. Søknaden er framleis under behandling. Vidare opplyser Sveier...

Får 15.000 til oppsetjing av Hegglandshusa

Olav og Hilde Mary Laukhamar får 15.000 kroner i kommunal støtte til oppsetjing av dei gamle Hegglandshusa på Laukhamar. Det vedtok formannskapet samrøystes tysdag.Olav og Hilde Mary Laukhamar har i tillegg søkt Hordaland fylkeskommune om 100.000 kroner i tilskot til verna kulturminne. Nytt i år er at slike søknader til fylkeskommunen skal prioriterast av kommunen. Dette er den einaste...