KUNSTNARAR: Medan Nina Botnen Nesbø er biletkunstnar, driv Tore Brandt med treskjering.
KUNSTNARAR: Medan Nina Botnen Nesbø er biletkunstnar, driv Tore Brandt med treskjering.

– Julemarknaden blir ein møteplass

Det var både lopper, julepynt, treutskjeringer og galleri å finna på julemarknaden på Reksteren i helga.
Publisert 04.12.2017 kl. 14.19.

– Me er her kvart år, og tek for oss dei julemarknadane som er på øya, forklarar Oddvar Sunde, laurdag føremiddag.

Saman med kona Ingrid Sunde har han teke turen til kulturhuset på Reksteren, for å vera med på den årlege julemarknaden.

I år var marknaden flytta frå gymnastikksalen til fyrste etasje i kulturhuset.

– Eg har kjøpt ein boks til ljosestakar, som skal vera ei julegåve, i tillegg til julenissar, seier Ingrid, og understrekar at ho berre elskar julenissar.


– Sel bra

Ingrid Sunde har allereie pynta til jul, både inne og ute. Om lag 20 nissar er plassert heime på kjøkenet, og englar har fått plass i stova, fortel ho.

– Ja, eg har kome i julestemning, men skulle ynskja det var like kaldt i dag som på fredag, seier Ingrid.

Det er Bjørg Marie Hope som stiller ut julepynten som ekteparet Sunde har kjøpt. Ho har mellom anna med seg nissar, englar, sokkar, og lykter som er dekte med decoupage.

– På den timen eg har stått her i dag har eg selt bra. Dei går ein del decoupage og applikasjonsting, forklarar ho.

– Dette er restesal. Eg har allereie vore på to marknadar i år. Ein i Skånevik og ein i Jondal, seier Hope.


Sosialt

I hjørnerommet i kulturhuset står Berit Berntsen og sel lopper. Alt frå bilete til koppar, dukar, dvd-ar, bøker, hyller, lampeskjermar og skistøvlar, er å finna på marknaden.

– Å vera med å arrangera er veldig sosialt. Det blir ein møteplass, seier ho, og fortel at loppemarknaden blir arrangert med jamne mellomrom i løpet av året til inntekt for Reksteren Idrettslag.

– Etter julemarknaden sluttar meav for i år, og byrjar til våren igjen, seier ho.


Hobbykunstnar

– Eg har galleri på Stord, men har hatt mange ustillingar på Tysnes, seier Nina Botnen Nesbø, som stiller ut bilete sine i naborommet til loppemarknaden.

I same rom sit Tore Brandt, og sel ulike gjenstandar med treutskjering.

– Eg har vore kunstnar i 20 år, og måler som regel naturbilete. Ofte er motiva nostaligiske, men eg lagar også mykje blomebilete, seier ho.

Førebels er det ikkje så mange som har kjøpt bilete denne laurdag føremiddagen.

– Som regel er det vaksne folk som er interessert i bileta. Sist helg var det eit par som kjøpte tre bilete av meg på ein gong, forklarar Nesbø.


HEIMELAGA: Det var mykje som eigna seg som julegåver å finna på julemarknaden.
HEIMELAGA: Det var mykje som eigna seg som julegåver å finna på julemarknaden.
ARRANGERER: Berit Berntsen arrangerer loppemarknad i kulturhuset på Reksteren med jamne mellomrom. I helga var loppemarknaden ein del av julemarknaden.
ARRANGERER: Berit Berntsen arrangerer loppemarknad i kulturhuset på Reksteren med jamne mellomrom. I helga var loppemarknaden ein del av julemarknaden.

Siste saker Gå til framsida

Vann skulepris frå Leger uten grenser

Ingeborg Eide, Malin Nerhus og Madelene Hauge frå Hatlestrand oppvekstsenter blei fylkesvinnarar ved å synleggjera den gløymde krisa om at titusenar av kvinner døyr av utrygg abort.

Lesarbrev: Til søknad om oppdrettsanlegg ved Toneset, Vernøy

I bladet Tysnes den 30.11.17 skreiv Ingunn Gjærde ei sak om tareproduksjon i RexStar sine lokale på Reksteren. Her opplyser Harald Sveier frå Lerøy Vest AS at Lerøy ønskjer å starta med taredyrking i sjø i Tysnes. Blant lokalbefolkninga blei det i sommar protestar mot planane på Toneset på Reksteren, sjølv om kommunen var positiv. Søknaden er framleis under behandling. Vidare opplyser Sveier...

Får 15.000 til oppsetjing av Hegglandshusa

Olav og Hilde Mary Laukhamar får 15.000 kroner i kommunal støtte til oppsetjing av dei gamle Hegglandshusa på Laukhamar. Det vedtok formannskapet samrøystes tysdag.Olav og Hilde Mary Laukhamar har i tillegg søkt Hordaland fylkeskommune om 100.000 kroner i tilskot til verna kulturminne. Nytt i år er at slike søknader til fylkeskommunen skal prioriterast av kommunen. Dette er den einaste...