SONG: Det var duka for song i bedehuset etter borna hadde vore ute. (Foto: Reidun Skartveit)
SONG: Det var duka for song i bedehuset etter borna hadde vore ute. (Foto: Reidun Skartveit)

Laga heilaftan i bedehuset

Den årlege skumringsturen byrja med rebus i naturen, og enda med song, andakt, bollar og kakao i bedehuset.
Publisert 05.12.2017 kl. 15.07.

– Me har arrangert dette i ein del år, og rettar søkjeljos på advent og kvifor me feirar jul, forklarar Reidun Skartveit, som var med og arrangerte skumringsturen på laurdag.

Ho forklarar at borna deltok på rebus fyrste del av ettermiddagen.

– På førehand hengde me opp refleksvestar, som borna skulle finna. Sidan det var mørkt ute, måtte dei ha med lommelykt, seier Skartveit.

– Dei eldste borna som gjekk ut, fann remser med julesongar. Dei yngste borna fann plastikkdyr som var hengt opp på refleksvestar, fortel ho.


Kakao og bollar

Tilbake i bedehuset fekk borna kakao og heimelaga bollar. Dei eldste las prolog, og sette fram ljos på borda.

– Deretter song dei julesongane dei hadde funne ute, forklarar Skartveit.

Barnekoret opptredde, og søndagsskulen song nokre songar med rørsle.

– Marit Prest (Marit Isaksen Espedalen, red.merk) hadde andakt, og brukte plastikkdyra dei minste borna hadde funne under rebusen, forklarar ho.


For heile familien

Etter at andakten var ferdig, var det duka for leken Lille Willy.

– Ei mor deltok i tillegg til nokre born, og det syntest borna var ekstra kjekt, fortel Skartveit.

Skumringsturen var for heile familien.

– Dei seinaste åra har me hatt samarbeid med kyrkja. Det er viktig at den kristne bodskapen kjem fram, forklarar ho.

Anne Merete B. Dalland, som var med på å arrangera, la merke til at det var god stemning heile ettermiddagen.

– Borna og dei vaksne kosa seg, seier ho.


ANDAKT: Marit Isaksen Espedalen heldt andakt. (Foto: Reidun Skartveit).
ANDAKT: Marit Isaksen Espedalen heldt andakt. (Foto: Reidun Skartveit).
GODT OPPMØTE: Både store og små møtte opp til arrangementet i helga.
GODT OPPMØTE: Både store og små møtte opp til arrangementet i helga.

Siste saker Gå til framsida

Vann skulepris frå Leger uten grenser

Ingeborg Eide, Malin Nerhus og Madelene Hauge frå Hatlestrand oppvekstsenter blei fylkesvinnarar ved å synleggjera den gløymde krisa om at titusenar av kvinner døyr av utrygg abort.

Lesarbrev: Til søknad om oppdrettsanlegg ved Toneset, Vernøy

I bladet Tysnes den 30.11.17 skreiv Ingunn Gjærde ei sak om tareproduksjon i RexStar sine lokale på Reksteren. Her opplyser Harald Sveier frå Lerøy Vest AS at Lerøy ønskjer å starta med taredyrking i sjø i Tysnes. Blant lokalbefolkninga blei det i sommar protestar mot planane på Toneset på Reksteren, sjølv om kommunen var positiv. Søknaden er framleis under behandling. Vidare opplyser Sveier...

Får 15.000 til oppsetjing av Hegglandshusa

Olav og Hilde Mary Laukhamar får 15.000 kroner i kommunal støtte til oppsetjing av dei gamle Hegglandshusa på Laukhamar. Det vedtok formannskapet samrøystes tysdag.Olav og Hilde Mary Laukhamar har i tillegg søkt Hordaland fylkeskommune om 100.000 kroner i tilskot til verna kulturminne. Nytt i år er at slike søknader til fylkeskommunen skal prioriterast av kommunen. Dette er den einaste...