BRA OPPMØTE: Både store og små hadde funne vegen til Huglabutikken og tenning av julegata. (Foto: Hedvig Flornes/Huglo.no)
BRA OPPMØTE: Både store og små hadde funne vegen til Huglabutikken og tenning av julegata. (Foto: Hedvig Flornes/Huglo.no)

Mini-julegate på Huglo

Rykande varm gløgg frå den vedfyrte kjelen, venta huglarane på julegateopninga.
Publisert 05.12.2017 kl. 06.00. Oppdatert kl. 15.11.

Det som må vera ein av verdas minste julegater, opna på Huglo førre fredag, melder huglo.no.

Julegata måler åtte meter i lengde, og har tre girlandarar som strekk seg mellom Huglabutikken og nabobygget. I tillegg har julegata eit flott juletre i enden. – Det er nok ikkje mange samfunn som kan skilta med så høg frammøteprosent av innbyggjarane. Nesten alt som kunne krypa og gå av huglarar var møtt fram, skriv Hedvig Flornes på Huglo si nettside.

Nyinnkjøpte lys var komne på plass til opninga, elleve musikantar spelte julesongar, opphaldsvêr var det, og det blei servert gløgg til alle. Den tradisjonsrike julegateopninga på Huglo blei som vanleg ein stor suksess.

Slike arrangement er viktige for lokalbefolkninga. – Det er veldig bevisstgjerande, med tanke på at Huglo er eit samfunn for seg sjølv. Og så bind det folk saman, ved at alle møter opp og utvekslar nyhende, fortel Flornes til Sunnhordland.



GLØGG: Dag Arne Willgohs sørga for at alle fekk god og varm gløgg.  (Foto: Hedvig Flornes/Huglo.no)
GLØGG: Dag Arne Willgohs sørga for at alle fekk god og varm gløgg. (Foto: Hedvig Flornes/Huglo.no)
GLADE MUSIKANTAR: Elleve flinke musikantar stilte med vakre juletonar. (Foto: Hedvig Flornes/Huglo.no)
GLADE MUSIKANTAR: Elleve flinke musikantar stilte med vakre juletonar. (Foto: Hedvig Flornes/Huglo.no)

Siste saker Gå til framsida

Lesarbrev: Til søknad om oppdrettsanlegg ved Toneset, Vernøy

I bladet Tysnes den 30.11.17 skreiv Ingunn Gjærde ei sak om tareproduksjon i RexStar sine lokale på Reksteren. Her opplyser Harald Sveier frå Lerøy Vest AS at Lerøy ønskjer å starta med taredyrking i sjø i Tysnes. Blant lokalbefolkninga blei det i sommar protestar mot planane på Toneset på Reksteren, sjølv om kommunen var positiv. Søknaden er framleis under behandling. Vidare opplyser Sveier...

Får 15.000 til oppsetjing av Hegglandshusa

Olav og Hilde Mary Laukhamar får 15.000 kroner i kommunal støtte til oppsetjing av dei gamle Hegglandshusa på Laukhamar. Det vedtok formannskapet samrøystes tysdag.Olav og Hilde Mary Laukhamar har i tillegg søkt Hordaland fylkeskommune om 100.000 kroner i tilskot til verna kulturminne. Nytt i år er at slike søknader til fylkeskommunen skal prioriterast av kommunen. Dette er den einaste...