SONG DUETT: Lise Sjåk Dalen og Louise Vermedal Lunde song Panis Angelicus.
SONG DUETT: Lise Sjåk Dalen og Louise Vermedal Lunde song Panis Angelicus.

Laga julestemning i pøsregnet

Både store og små tysnestalent framførte eit variert konsertprogram i Onarheim kyrkje onsdag kveld.
Publisert 06.12.2017 kl. 22.23. Oppdatert 07.12.2017 kl. 13.37.

– Julestjerne kom til meg, song Louise Vermedal Lunde medan ho gjekk ned trappa i kyrkja, som ligg mot alteret.

Med den kjende songen Sonjas sang til julestjernen frå filmen Reisen til julestjernen, sytte ho for at regnvêret ute blei gløymt, og assosiasjonar til snø, juletre og julemat kom snikande på publikum.


Alle aldrar

Louise som også framførte Panis Angelicus saman med Lise Sjåk Dalen, var blant dei yngste av dei totalt 16 tysnesingane som imponerte på konserten.

Av dei vaksne som bidrog til programmet var konferansier Helge Olav Instøy, som sjølv poengterte at han var pensjonist. Han song Sjå tusen julelys med Arne Kleppe.


Gamalt og nytt

Julesongane som dei frammøtte fekk høyra, var både gamle og nye. Glade Jul, som blei urframført i 1818, blei sunge av Jannike Berge Espevik onsdag kveld. Selmas sang, som også blei sunge på konserten, blei derimot laga i samband med TV-serien Snøfall i 2016. Den blei framført av Marianne Tvedt og Jenny B. Kjellevold.

Les meir om konserten i «Tysnes» neste veke.


FLEIRE ROLLER: Helge Olav Instøy (til høgre) bidrog både som konferaniser og songar på konserten. Her syng han saman med Arne Kleppe.
FLEIRE ROLLER: Helge Olav Instøy (til høgre) bidrog både som konferaniser og songar på konserten. Her syng han saman med Arne Kleppe.
NØGD PUBLIKUM: Både born, vaksne og eldre hadde møtt opp til konserten i Onarheim kyrkje onsdag ettermiddag.
NØGD PUBLIKUM: Både born, vaksne og eldre hadde møtt opp til konserten i Onarheim kyrkje onsdag ettermiddag.
SONG FLEIRE NUMMER: Jenny B. Kjellevold og Marianne Tvedt song mellom anna Nordnorsk julesalme, En krybbe var vuggen og Tenn lys. Her er dei på generalprøven rett før publikum kjem.
SONG FLEIRE NUMMER: Jenny B. Kjellevold og Marianne Tvedt song mellom anna Nordnorsk julesalme, En krybbe var vuggen og Tenn lys. Her er dei på generalprøven rett før publikum kjem.

Siste saker Gå til framsida

Vann skulepris frå Leger uten grenser

Ingeborg Eide, Malin Nerhus og Madelene Hauge frå Hatlestrand oppvekstsenter blei fylkesvinnarar ved å synleggjera den gløymde krisa om at titusenar av kvinner døyr av utrygg abort.

Lesarbrev: Til søknad om oppdrettsanlegg ved Toneset, Vernøy

I bladet Tysnes den 30.11.17 skreiv Ingunn Gjærde ei sak om tareproduksjon i RexStar sine lokale på Reksteren. Her opplyser Harald Sveier frå Lerøy Vest AS at Lerøy ønskjer å starta med taredyrking i sjø i Tysnes. Blant lokalbefolkninga blei det i sommar protestar mot planane på Toneset på Reksteren, sjølv om kommunen var positiv. Søknaden er framleis under behandling. Vidare opplyser Sveier...

Får 15.000 til oppsetjing av Hegglandshusa

Olav og Hilde Mary Laukhamar får 15.000 kroner i kommunal støtte til oppsetjing av dei gamle Hegglandshusa på Laukhamar. Det vedtok formannskapet samrøystes tysdag.Olav og Hilde Mary Laukhamar har i tillegg søkt Hordaland fylkeskommune om 100.000 kroner i tilskot til verna kulturminne. Nytt i år er at slike søknader til fylkeskommunen skal prioriterast av kommunen. Dette er den einaste...