MAT OG PRAT: Marte (bak til venstre) og Henning (til høgre) hadde eitkvart å prata om.
MAT OG PRAT: Marte (bak til venstre) og Henning (til høgre) hadde eitkvart å prata om.

Stor stas å få vera på julebord

Måndag var det julebord på Laukhamar, der gjestene kom fint kledde til den festpynta stova, og vart helsa velkomne av Sissel og Ottar Clausen.
Publisert 06.12.2017 kl. 14.43.

Nokre måtte ha ei hand å halda i for å koma til borda, men dei mange hjelparane sørgde for at alle fekk ein bordplass, pynta med julefarga dukar og serviettar.

Det var Tysnes Frivillig-sentral som inviterte til julebord. Og ettersom Sissel Clausen inntil nyleg var leiar for den, var gjestene velkjende med vertskapet.

Underteikna vart sitjande ved John Vernøy.

– Har du vore her før, John?

– Ja, fleire gonger, og eg gler meg like mykje kvar gong!

Medan me venta på maten var det song – «Å, jul med den glede» og «På låven sitter nissen.» At det var kjære songar for mange, høyrdest godt.

Så var det å stilla seg i køen for matfata, og igjen stilte hjelparane opp for sine. Men kva skulle ein velja – pølse, pinnekjøt eller svinekjøt? Litt av kvart kanskje?

– Eg skal vera nisse i Lunde i år, fortel Paul Inge.

– Ja, men du manglar jo skjegg!

– Kan eg ta eit bilete av dykk to? spør eg Margun og Vigdis.

– Ja, hvis me ikkje sprengjer skjermen din då, smiler Vigdis.

Ei tid etter dessert og kaffi kom så tida for heimferd, men truleg er dei fleste attende neste år òg.

Takk for ein gild kveld!




NØGDE: – Å, så godt! meinte Margun og Vigdis.
NØGDE: – Å, så godt! meinte Margun og Vigdis.
SMAKTE BRA: Paul Inge (f.v.), Britt (assistent) og John kosar seg med god julemat.
SMAKTE BRA: Paul Inge (f.v.), Britt (assistent) og John kosar seg med god julemat.
PYNTA: Måndag kveld var det julestemning i stova på Laukhamar.
PYNTA: Måndag kveld var det julestemning i stova på Laukhamar.

Siste saker Gå til framsida

– Eldre bør trena styrke

Eldre kan bli like sterke som 20-åringar, viser forskning. Me har snakka med tre godt vaksne tysnesingar som har fått stort utbytte av styrketrening dei siste åra.

Lesarbrev: Omsorg, skule, barnehage, pengar og slikt…

Me har nett før jul landa eit einstemmig budsjett i Tysnes kommunestyre. Diskusjonen fram mot vedtak gjekk føre seg i sømelege former, og det kom ikkje til store sverdslag. Det eit godt teikn at me som syslar med lokalpolitikk er einige i ei slik viktig sak. Me har lagt investeringsplanar som kommunestyret stort sett er einige om, og driftsbudsjettet er lagt fram og vedtatt utan stort...

Lensmannen dansa på sjukeheimen

Songgruppa «Fjordablæst» underheldt på sjukeheimen laurdag ettermiddag, og det var svært populært både blant dei som bur der og besøkjande.