Ferja vart innstilt då stormen Nina herja i 2015. (Arkivfoto)
Ferja vart innstilt då stormen Nina herja i 2015. (Arkivfoto)

Oppdatert: Våge-ferja i normal drift frå kl. 11.30

Det melder FosenNamsos Sjø på sine nettsider.
Publisert 08.12.2017 kl. 06.30. Oppdatert kl. 11.06.

MF Selbjørnsfjord går frå Halhjem kai kl. 11.30.

Sambandet Våge-Halhjem har vore kansellert i morgontimane fredag.

Årsaka har vore Stormen Aina som har herja på Vestlandet sidan torsdag. Yr melder på Twitter like før kl. 10.00 at ekstremvêret er over, men at det framleis vil blåsa nordvestleg storm over Vestlandet.

Hurtigbåten MS Rygerkatt som går mellom Våge, Bruntveit og Os har vore innstilt heile fredag og er framleis kansellert.

Sambandet Hodnanes-Jektevik går som planlagt.


Problem med kaien

Årsaka til ferjekanselleringa er vêrforholda, skreiv FosenNamsos på sine heimesider kl. 06.01.

– Det er meldt nordvestleg liten til full storm over Bjørnefjorden fram til i morgon, laurdag. Problemet er ikkje overfarten over fjorden, men å leggja til Våge kai, opplyste kaptein på MF Selbjørnsfjord, Torbjørn Skår kl. 08.00.

LES OGSÅ: Ekstremvêret: Kameratane fekk berga båten.


– Lovar ikkje bra

Han kunne ikkje seia noko om når sambandet Våge-Halhjem er i rute att.

– Men det lovar ikkje så bra for resten av dagen, sa han.

FosenNamsos Sjø ba reisande om å nytta omkøyring.


Uviss situasjon

Grete Fuglem Tennås, administrerande direktør i FosenNamsos Sjø sa til «Tysnes» kl. 06.30 at det blei gjort forlaupande vurdering av situasjonen.

– Kan du seia noko om når ferja kjem til å gå igjen?

– Nei, det kan eg ikkje. Eg har førebels ikkje snakka med mannskapet på MF Selbjørnsfjord, sa ho.


Stiv kuling

Ifølgje yr.no var det meldt om kraftig vind og regn på Halhjem ferjekai fredag, på grunn av stormen Aina, som herja på Vestlandet.

Rundt kl. 06.30 var vindstyrken på 20 m/s, som vil seia sterk kuling, skreiv yr.no. Dei neste timane vil vindstyrken minka litt, før vinden aukar på kl. 15.00.


Siste saker Gå til framsida

Markerer TV-aksjonen med fredagskafé

Tysnes skule gjentek suksessen frå i fjor og markerer også i år TV-aksjonen med fredagskafé fredag føremiddag. I fjor var det tett i tett med folk og trangt om plassen i den gamle gymsalen på skulen. I år vert arrangementet flytta til Tysneshallen. – Der blir det kafé og underhaldning for alle som ynskjer å koma, melder inspektør Synnøve Vines til avisa.

Skal arrangera opplæringsjakt på Tysnes

Tysnes Jakt- og Fiskelag skal til helga arrangera opplæringsjakt.– Me er så heldige at me har fått tak i opplæringsterreng her på øya, og me er også så heldige at me skal arrangera opplæringsjakt i regi av Norges Jeger- og Fiskerforbund, fortel leiar i Tysnes Jakt- og Fiskelag, Bjarte Erstad.Fredag kveld er sett av til informasjon. Sjølve jakta vil føregå laurdag og søndag. Det...