ULUKKE: Ei kvinne blei skadd etter ei trafikkulukke like nord for Jektavik ferjekai på Stord. (Illustrasjonsfoto: Ingunn Gjærde)
ULUKKE: Ei kvinne blei skadd etter ei trafikkulukke like nord for Jektavik ferjekai på Stord. (Illustrasjonsfoto: Ingunn Gjærde)

Bil i fjellveggen ved Jektavik

Like nord for ferjekaien på Jektavik køyrde ei kvinne i 30-åra i fjellveggen søndag kveld.
Publisert 17.12.2017 kl. 20.01. Oppdatert kl. 21.26.

Sør-Vest politidistrikt melder på Twitter at E39 blei stengd i begge retningar etter ulukka.

Éin person skal ha vore i bilen. Den kvinnelege sjåføren i 30-åra blei køyrd i ambulanse til legevakta på Stord. Ho skal ha vore oppegåande etter samanstøyten, men blei teken med til legevakta for ein sjekk.

Det skal ha vore glatt føre på staden.

Vidare melder politiet like før klokka 20 at vegen framleis er stengd, men at politiet straks vil setja i gong trafikkdirigering på staden.

Etter ulukka skal det ha oppstått lange køar.

Klokka 21:10 melder politiet at E39 på Stord er opna igjen.


Siste saker Gå til framsida

Stormen er her: Tre over vegen i Uggdal

SISTE: Fleire trevelt på Tysnes seint onsdag kveld. Eit trevelt stengjer vegen Uggdal-Onarheim i 21.15-tida.Tidlegare onsdag kveld sperra eit stort tre fylkesvegen nederst i Uggdalsdalen.

Onsdag kveld: Våge-Halhjem innstilt

Grunna kraftig vind er MF Selbjørnsfjord innstilt frå og med 20.25-avgangen frå Våge. Dette melder FosenNamsons Sjø i ei trafikkmelding onsdag kveld. Det er førebels ikkje meldt om at stormen skapar trøbbel på Hodnanes-Jektevik-sambandet.